08 Sentyabr 2022 20:59
380
Mədəniyyət
A- A+

Yaponiya ilə Azərbaycan arasında diplomatik əlaqələrin 30-cu ildönümü caz konsertlə qeyd olunub

 

Beynəlxalq Muğam Mərkəzində Yaponiya ilə Azərbaycan arasında diplomatik əlaqələrin qurulmasının 30-cu ildönümünə həsr olunmuş caz konserti təşkil edilib.

Tədbir Yaponiyanın ölkəmizdəki səfirliyinin təşkilatçılığı ilə gerçəkləşib.

AZƏRTAC-a müsahibə verən Yaponiyanın caz ifaçısı Yamamoto Kyoko ilk gündən Azərbaycan musiqisinə vurulduğunu deyib: “Mən Azərbaycanı ilk dəfə muğamla tanımışam. Bakıya 2017-ci ildə gələndə bu qədim diyarın mədəni irsini öyrənmək üçün hətta muğam dərslərinə yazıldım. Bakıda konsert verərkən bir qadın ifaçı ilə muğam oxumağa da cəhd göstərdim”.

Azərbaycan musiqisi ilə maraqlandığını deyən Yamamoto Kyoko Tünzalə Ağayeva, Zülfiyyə Xanbabayeva, Sevda Ələkbərzadənin adlarını çəkib. Caz ifaçılarından ilk olaraq Vaqif Mustafazadəni xatırlayıb. Bildirib ki, azərbaycanlı xanım ifaçılarını daha çox bəyənir.

Yamamoto Kyoko Bakı Beynəlxalq Caz Festivalı haqqında məlumatı olduğunu da söyləyib. Qeyd edib ki, builki festivala qatılmasa da növbəti illərdə iştirak etmək arzusundadır.

Caz ifaçısı deyib ki, bugünkü konsertdə Yaponiya və Azərbaycan musiqi əsərləri səsləndiriləcək. Mahnılardan bir neçəsini özü bəstələyib.

Konsert zamanı Yamamoto Kyoko “Sakura”, “Günəş ürəyi”, “Volare” mahnılarını ifa edib. Onun Azərbaycan dilində oxuduğu “Ay Laçın” və “Sarı gəlin” mahnıları xüsusi alqışlarla qarşılanıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video