24 Noyabr 2022 09:40
96
DÜNYA
A- A+

Türkiyənin Düzce vilayətində baş verən şiddətli zəlzələ nəticəsində 321 binaya zərər dəyib

 

Türkiyənin Düzce vilayətində baş verən 5,9 bal gücündə zəlzələ nəticəsində 321 binaya zərər dəyib. Gölyakada beş bina və səkkiz ev ağır zədəli olaraq qiymətləndirilib.

AZƏRTAC xəbər verir ki, bu barədə Türkiyənin ətraf mühit, şəhərsalma və iqlim dəyişikliyi naziri Murat Kurum bildirib.

Nazir şiddətli yeraltı təkanlar nəticəsində Düzcedəki binaların 75 faizinə zərər dəymədiyini deyib. O, bunun səbəbini vilayətdə aparılan yenidənqurmanın ölkənin zəlzələnin idarə olunması qanunlarına uyğun aparılması ilə izah edib.

Hazırda araşdırmanın davam etdiyini qeyd edən nazir bildirib ki, xüsusi qruplar tərəfindən, ilk növbədə, şikayətlərin daxil olduğu ərazilərlə bağlı həm laboratoriyalarda, həm də alət və cihazlarla intensiv şəkildə araşdırmalar aparılır və bu işlər çox qısa zamanda tamamlanacaq.

Türkiyənin Daxili İşlər Nazirliyinin Təbii Fəlakət və Fövqəladə Hallar Agentliyi (AFAD), Qızıl Aypara Cəmiyyəti və Milli Tibbi Xilasetmə Qrupu (UMKE) toplanma yerlərindəki vətəndaşların müvəqqəti yaşayış daxil olmaqla bütün ehtiyaclarının qarşılanması istiqamətində işlər apardığını deyən Murat Kurum özünün də Düzceyə gedərək zərərin qiymətləndirilməsi işlərində iştirak edəcəyini söyləyib.

Bundan əlavə, baş verən zəlzələdən sonra vətəndaşların küçələrdə gözləməsi davam edir. Lakin, hidrometeoroloqlar axşam saatlarından etibarən bölgədə güclü yağış yağacağı, yağıntının leysan xarakterli olacağını proqnozlaşdırıblar. Vətəndaşlara sel və daşqınlara qarşı tədbirli olmaları ilə bağlı xəbərdarlıq edilib. Bölgədə havanın temperaturunun aşağı düşməsi gözlənilir.

Təbiət hadisəsi ilə bağlı Türkiyə Respublikası Daxili İşlər Nazirliyinin Təbii Fəlakət və Fövqəladə Hallar Agentliyindən (AFAD) verilən son açıqlamaya görə, zəlzələdən sonra bölgədə ən böyüyü 4,3 olmaqla ümumilikdə 138 afterşok qeydə alınıb.

Son məlumatlara əsasən, zəlzələ nəticəsində Düzcedə biri ağır 37, İstanbulda 2, Boluda 14, Zonguldakda 10, Sakaryada 26, Bursada 4 olmaqla ümumilikdə 93 nəfər xəsarət alıb. Onlardan 17-nin müalicəsi davam edir.

Qeyd edək ki, zəlzələ zamanı 63 yaşlı Sevim Çengel infarkt keçirərək, 48 yaşlı Hikmət Çələbi isə yıxılma nəticəsində kəllə-beyin travması alaraq ölüblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video