11 Iyun 2024 15:10
236
DÜNYA
A- A+

Türkiyənin aeroportlarında sərnişin axını 20 milyon nəfəri ötüb  

 

2024-cü ilin may ayında Türkiyə hava limanlarında sərnişin axını 20 milyon 230 min 573 nəfər olub ki, bu da ötən ilin analoji dövrü ilə müqayisədə 7,5 faiz çoxdur.

AZƏRTAC xəbər verir ki, bu barədə çərşənbə axşamı, iyunun 11-də Türkiyənin Dövlət Hava Limanları İdarəsinin (DHMİ) son məlumatlarına istinadla ölkənin nəqliyyat və infrastruktur naziri Abdulkadir Uraloğlu məlumat verib.

Nazirin sözlərinə görə, sərnişinlərin ümumi sayından 8 milyon 158 min nəfəri daxili xətlərin xidmətlərindən istifadə edib, 12 milyon 54 min 832 nəfər isə beynəlxalq reyslərə bilet alıb.

Uraloğlu onu da qeyd edib ki, may ayında Türkiyə hava limanlarında daxili reyslərdə 78 475, beynəlxalq reyslərdə isə 77 751 təyyarənin eniş-qalxış əməliyyatları həyata keçirilib.

Hesabat dövründə hava yüklərinin daşınmasının həcmi 404 min 754 ton olub; onlardan 69 min 126 tonu ölkədaxili, 335 min 629 tonu isə beynəlxalq reyslərin payına düşüb.

Nazir 2024-cü ilin yanvar-may ayları üçün sərnişindaşıma göstəricilərinə də diqqət çəkib. Belə ki, bu ilin ilk 5 ayında Türkiyə hava limanlarında sərnişin axını 82 milyon 109 min 667 nəfər olub ki, bu da ötən illə müqayisədə 8,4 faiz çoxdur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video