22 Aprel 2024 16:37
5793
Təhsil
A- A+

Türkiyə Maarif Vəqfinin İdarə Heyətinin sədr əvəzi Beynəlxalq Maarif Məktəbində yaradılmış şəraitlə tanış olub

 

Türkiyə Maarif Vəqfinin İdarə Heyətinin sədr əvəzi professor Ahmet Emre Bilgili Azərbaycanda səfərdədir.

AZƏRTAC xəbər verir ki, səfər çərçivəsində Ahmet Emre Bilgili Bakıda iki kampusu olan Beynəlxalq Maarif Məktəbində yaradılmış şəraitlə tanış olub. Qonaq əvvəlcə Beynəlxalq Maarif Məktəbində nümayiş edilən sərgiyə baxıb.

Sonra Türkiyə Maarif Vəqfi Azərbaycan təmsilçisi Sərdar Gündoğan, Türkiyənin Azərbaycandakı səfiri Cahit Bağçı və Türkiyə Maarif Vəqfinin İdarə Heyətinin sədr əvəzi Ahmet Emre Bilgili çıxış ediblər. Onlar qurumun yaranma səbəbləri ilə bağlı məlumat veriblər.

Cahit Bağçı Türkiyədə keçiriləcək 23 Aprel - Uşaqlar Günü münasibətilə uşaqları təbrik edib. O, həmçinin ölkəmizdəki Beynəlxalq Maarif Məktəbi ilə bağlı atılan nümunəvi addımlardan biri kimi Türkiyədə Uşaqlar Günü ənənəsinin də Azərbaycanda reallaşdırılmasını təklif edib.

Qeyd edək ki, Maarif Vəqfi xaricdə Türkiyə adından təhsil müəssisələri açmaq səlahiyyətinə malik dövlət qurumudur. Dünyanın 67 ölkəsində fəaliyyət göstərən 429 Beynəlxalq Maarif Məktəbində 50 minə yaxın şagird təhsil alır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video