19 Noyabr 2023 10:25
468
İQTİSADİYYAT
A- A+

Torpaq kəndlinin əməyini əvəzsiz qoymur

 

Şabranlı fermerlər bu ili də uğurlu nəticələrlə yola salmağa kökləniblər

 

Məlumdur ki, ölkə iqtisadiyyatının qarşısına qoyulan əsas vəzifələrdən biri karbohidrogen ehtiyatlarından  asılılığın aradan qaldırılmasıdır. Bu istiqamətdə həyata keçirilən  ardıcıl tədbirlər sayəsində  xeyli nəticələrə nail olunub. Xüsusən qeyri-neft sektorunun əsas sahələrindən sayılan kənd təsərrüfatında  nəzərəçarpacaq irəliləyiş əldə edilib. 
Şabran rayonu da ölkədə gedən bu mühüm işlərdən geridə qalmamağa çalışır. Bunu cari ilin  ötən üç rübü ərzində görülən işlər də aydın göstərir. Bu müddət ərzində  rayon iqtisadiyyatının əsas sahələrində istehsal olunmuş məhsulların və göstərilmiş xidmətlərin ümumi dəyəri 228 milyon 187,6 min manat  təşkil edib.  Ümumi məhsul buraxılışının həcmində istehsal sahələrinin xüsusi çəkisi 86,1,  xidmət sahələrinin xüsusi çəkisi 13,9 faiz olub.
Rayonun kənd təsərrüfatı əməkçiləri də ötən dövrdə sanballı uğurlar qazanıblar. Şabranlı fermerlər yaxşı başa düşürlər ki, kənd təsərrüfatı makroiqtisadi sabitliyin saxlanılması, qeyri-neft sektorunun və regionların inkişaf etdirilməsi, ən başlıcası isə ölkə əhalisinin ərzaq təhlükəsizliyinin təmin olunması baxımından mühüm əhəmiyyət  daşıyır. Aqrar sektor əməktutumlu sahə olduğundan həm də məşğulluğun təminatında  önəmli xüsusi çəkiyə malikdir. Bu sahədə konkret rəqəmlərə gəldikdə, statistikaya görə, cari ilin yanvar-sentyabr aylarında rayon üzrə istehsal olunan kənd təsərrüfatı məhsullarının ümumi dəyəri 132 milyon 486,9 min manata çatıb ki, bu da əvvəlki ilin müvafiq dövrü ilə müqayisədə real ifadədə 10,2 faiz çoxdur.
Hazırda  rayonda kənd təsərrüfatı məhsullarının yığımı davam edir. Bizə verilən son məlumata əsasən, dənlilərin və dənli paxlalı bitkilərin (qarğıdalısız) əkin sahəsinin 14 min 587,1 hektarı biçilmiş və həmin sahələrdən 35 min 245,5 ton və ya keçən ilin müvafiq dövrü ilə müqayisədə 7,7 faiz çox məhsul götürülmüşdür. Bu, orta hesabla hər hektardan 24,2 sentner məhsul deməkdir. Bundan əlavə, 360 hektar qarğıdalı sahəsindən  3 min 266,8 ton məhsul (hər hektardan 90,7 sentner) biçilmişdir. Ümumilikdə qarğıdalı dəni də nəzərə alınmaqla rayon üzrə  taxıl istehsalı  38 min 512,3 ton (hər hektardan 25,8 sentner) olmuşdur.  Bir daha təkrar edirik ki, bunlar  son nəticələr deyil.
Paralel olaraq sahələrdən 928,4 ton  kartof,  4 min 215,5 ton  tərəvəz, 7500 ton meyvə, 3583,7 ton üzüm, 3 ton bostan məhsulları toplanmışdır. 1011,8 hektardan isə 8427,4 ton və ya keçən ilin müvafiq dövrünə nisbətən 2,5 dəfə çox yem bitkiləri yığılaraq quru ot kimi tədarük  edilmişdir.  
Heyvandarlıq sahəsində də göstəricilər ürəkaçandır. Hesabat dövründə Şabranda 15 min 249,2 ton ət, 11 min 273 ton süd, 9,2 milyon ədəd yumurta, 81,3 ton yun istehsal olunmuşdur. Təsərrüfatlarda 25 min başdan çox mal-qara (o cümlədən 11,7 min baş inək və camış), 48 min baş qoyun və keçi bəslənilir.
Rayonda şəxsi təsərrüfatların sayı da artıb. Üzüm və taxılçılıq sahələrində şəxsi təsərrüfatlarda istehsal edilən məhsul ümumi məhsulun yarıdan çoxunu təşkil edir. Quşçuluq və heyvandarlıqda da əvvəlki illərlə müqayisədə sahibkarlıq subyeklərinin sayı çoxalıb.  
Kənd təsərrüfatı sahəsində ilin əvvəlindən qazanılan göstəricilər şabranlıların bu ili də uğurla yola salacaqlarından xəbər verir. Ümumiyyətlə, Şabran kəndlisinin torpağa bağlılığı bütün dövrlərdə nöhkəm olub və bu gün də belədir.

 Akif  ƏLİYEV,
"Azərbaycan" 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video