Təbii müalicə
“Soğan orqanizmi təmizləyir və zərərli şirələri xaric edir”. Bir sıra xəstəliklərin müalicəsində bu şəfalı tərəvəzdən istifadə edən böyük təbib İbn Sina deyib bu sözləri.
Qədimdən bəri soğandan həm yeməklərin hazırlanmasında, həm də təbii müalicə üsulu kimi geniş istifadə olunur. Tərkibində 25 müxtəlif növ antioksidant olan soğan immun sistemini gücləndirir. İnsanları və xüsusilə qışda soyuqdəymə, qrip, öskürək kimi xəstəliklərdən qoruyur. Effektiv bəlğəmgətiricidir, ürək sağlamlığına təsir edir. Şəkərli diabetin inkişafının qarşısını alır və orqanizmdə şəkərin səviyyəsini tənzimləyir. Başda mədə və bağırsaq xərçəngi olmaqla, bir çox xərçəng növlərinin inkişafının qarşısını alır. Təsirli pəhriz bitkisi olan soğan saç tökülməsinə və dəri xəstəliklərinə də xeyirlidir. Həm çiy, həm də bişmiş halda yeyilə bilən soğanın orqanizmə faydaları olduqca çoxdur.
Antioksidant mənbəyi olan bu şəfalı tərəvəzin tərkibində karbohidratlar, lif, protein, şəkər, eyni zamanda C, A, B6, B9 vitaminləri, natrium, kalsium, dəmir, maqnezium, fosfor, kalium, kükürd və mineral antioksidant qaynağı olan quercetin var.
Yeməklərin tərkibində olan soğanın içərisində yağ və xolesterin yoxdur.
Soğan ürək xəstəlikləri riskini də xeyli azaldır. Tərkibindəki antioksidantlar və iltihabla mübarizə aparan birləşmələr sayəsində triqliseridlərin (qandakı yağ növlərindən biri) və xolesterolun səviyyəsini aşağı salır. İnfeksiyaya qarşı mübarizə xüsusiyyəti sayəsində yüksək təzyiqi aşağı sala və qanın laxtalanmasının qarşısını ala bilir.
Xərçəngdən qoruyur
Soğan bir çox xərçəng növlərinin, xüsusilə mədə, yemək borusu, yoğun bağırsaq və prostat xərçənginin inkişaf riskini azaldır. Bundan əlavə, tərkibində quercetin kimi antioksidantlar olduğu üçün inkişaf edən şişin böyüməsini dayandırır.
Soğan həm də həzmi dəstəkləyən, bağırsaqlarda bakteriyaların tarazlığını yaxşılaşdıran zəngin probiotik (yaxşı bakteriya) mənbəyidir. Xüsusilə qırmızı soğanda olan antosianinlər immun sistemi üçün çox faydalıdır. Onlar bağırsaqda yaxşı bakteriyaların sayını artırır və immunitet funksiyasını yaxşılaşdırmağa kömək edir.
Bu əvəzolunmaz tərəvəz yüksək qan şəkəri səviyyəsini balanslaşdırmağa kömək edir. Tərkibindəki quercetin sayəsində nazik bağırsaq, mədəaltı vəzi, skelet əzələsi, piy toxuması və qaraciyərdəki hüceyrələrlə qarşılıqlı əlaqə quraraq diabet və diabet predmeti olan xəstələrdə qan şəkərinə nəzarəti təmin edə bilir. O, həmçinin qan şəkərinin tənzimlənməsində mühüm rol oynayır.
Soğan sümük sağlamlığı üçün də olduqca faydalıdır və sümükləri möhkəmləndirir.
Zehni sağlamlığın təməli
Bu tərəvəzdə olan B9 vitamini (fol turşusu) depressiyanı azaltmağa kömək edir. Çünki o, qan ilə digər qida maddələrinin beyinə çatmasını və insanın özünü yaxşı hiss etməsini təmin edən serotonin, dopamin kimi hormonların istehsalını əngəlləyən homosisteinin (qidalardan alınan amin turşusu) orqanizmdə həddindən çox yığılmasının qarşısını alır.
Alternativ tibdə geniş istifadə edilən soğan sinir sistemini gücləndirir, maddələr mübadiləsini sürətləndirir, dəri-saç sağlamlığını qoruyur, orqanizmdə piyləri yandıraraq onun riskini aradan qaldırır. Həmçinin soğan qırmızı qan hüceyrələrinin miqdarını artıraraq anemiyanın və damarların sərtləşməsinin qarşısını alaraq elastik qalmasına kömək edir. Oynaq ağrılarını, yuxusuzluğu aradan qaldırır, diş çürüməsinə və diş əti problemlərinə səbəb ola biləcək bakteriyaları məhv edir.
Soğanın sirri
Müasir tibb soğanın insan orqanizminə çox faydalı olmasının əsas səbəbinin tərkibindəki fitonsidlərlə əlaqədar olduğunu müəyyən edib. Uçucu birləşmələr olan fitonsidlər nəinki patogen bakteriyalara, həmçinin göbələk və ibtidailərə də antimikrob təsiri göstərir.
Soğan damar mənfəzini genişləndirir. Kapilyar damarlarda onun təsiri xüsusilə özünü daha tez göstərir. Ona görə də soğan dərinin qidalanması üçün çox faydalıdır. O, bütün dəri xəstəliklərinə şəfaverici təsir göstərir.
Ondan bol istifadə edənlərdə sellülit, çiban, komedon səpgilər, damarların varikoz genişlənməsi, dəri çatlamaları kimi hallar demək olar ki, müşahidə olunmur. Bronxial astma xəstələrinin soğan yeməsi tənəffüsün yaxşılaşmasına səbəb olur. Hər gün qidada soğandan istifadə edilməsi həzmi yaxşılaşdırır, köpü və qəbizliyi aradan qaldırır.
Lakin kəskin mədə-bağırsaq yaralarında soğan çiy halda yeyilməməli və yalnız bişmiş halda istifadə edilməlidir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Cəbrayıl rayonu coğrafi cəhətdən Azərbaycan üçün çox əhəmiyyətli ərazidə yerləşir. Eyni zamanda, ra...
04 Oktyabr
Beynəlxalq Astronavtika Konqresində növbəti plenar iclasda Çinin bu sahədə uğurlarından danışılıb...
04 Oktyabr
Basketbolçu Maykl Cordan ən varlı 400 amerikalının sırasında yer alıb
04 Oktyabr
Daşaltıda nəşinin qalıqları tapılan Veysəl Qasımov torpağa tapşırılıb
04 Oktyabr
İsrail silah ixrac edəcəyi ölkələrin siyahısını genişləndirib
04 Oktyabr
SOCAR-ın birinci vitse-prezidenti Xoşbəxt Yusifzadə ilə vida mərasimi keçirilir
04 Oktyabr
2002-2003-cü illərdə Türkiyənin xarici işlər naziri, Nizami Gəncəvi Beynəlxalq Mərkəzinin üzvü Yaşar...
04 Oktyabr
Azərbaycanın qeyri-neft ixracı 10,6 faiz artıb
04 Oktyabr
VI Bakı Beynəlxalq Memarlıq Müsabiqəsinin açılış mərasimi olub
04 Oktyabr
XİN: Katrin Kolonnanın Azərbaycana qarşı səsləndirdiyi əsassız iddiaları qətiyyətlə rədd edirik...
04 Oktyabr
DİQQƏT ÇƏKƏNLƏR
Azərbaycan şərtlərini elan etdi04 Oktyabr 2023

O, müasir dünya siyasətini gözəl bilir03 Oktyabr 2023

Bakı Konqres Mərkəzində 74-cü Beynəlxalq Astronavtika Konqresinin açılış mərasimi keçirilib Prezid...02 Oktyabr 2023

Böyük inamın 20 illik təntənəsi01 Oktyabr 2023

Naxçıvandan türk dünyasına: Səmimi qardaşlıq, strateji müttəfiqlik, dinamik inkişaf29 Sentyabr 2023

ÇOX OXUNANLAR
Böyük liderlik missiyası03 Oktyabr 2023

Ümummilli savaş01 Oktyabr 2023

İLHAM ƏLİYEVİN "DƏMİR YUMRUĞU" VƏ İFLASA UĞRAYAN LAYİHƏ30 Sentyabr 2023

Sonsuz təşəkkürlər, CƏNAB PREZİDENT!29 Sentyabr 2023

İKİ GÖZ YAŞI27 Sentyabr 2023

Prezident İlham Əliyev və Prezident Rəcəb Tayyib Ərdoğan mətbuata bəyanatlarla çıxış ediblər YENİLƏN...25 Sentyabr 2023

OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!