21 May 2024 14:33
283
SİYASƏT
A- A+

ŞKTR Prezidenti Azərbaycan və Türkiyənin ombudsmanlarının qəbul edib  

 

Şimali Kipr Türk Respublikasının (ŞKTR) Prezidenti Ersin Tatar mayın 21-də Lefkoşada səfərdə olan Azərbaycan Respublikasının İnsan hüquqları üzrə müvəkkili (ombudsman) Səbinə Əliyeva və Türkiyə Respublikasının baş ombudsmanı Şeref Malkoçu qəbul edib.

AZƏRTAC xəbər verir ki, iki qardaş ölkənin ombudsmanları Lefkoşaya ŞKTR ombudsmanı İlkan Varolun dəvəti ilə səfər edirlər.

Türkiyənin Lefkoşadakı səfiri Metin Feyzioğlunun da iştirak etdiyi qəbulda ŞKTR-in maraqları naminə türk dövlətlərinin qarşılıqlı fəaliyyətinin rolu vurğulanıb.

Ersin Tatar əmin olduğunu bildirib ki, dost ölkələrin dəstəyi sayəsində və Türk Dövlətləri Təşkilatının platforması əsasında Kipr türkləri barədə həqiqətlər ilə bağlı dünya ictimaiyyətini daha dolğun məlumatlandırmaq və onların hüquqlarını təmin etmək mümkün olacaq.

ŞKTR-in lideri həm dövlət rəsmiləri, həm də parlamentlər, ombudsman təsisatları və digər təşkilatlar səviyyəsində qarşılıqlı təmasların vacibliyinə diqqət çəkib.

Azərbaycanın İnsan hüquqları üzrə müvəkkili Səbinə Əliyeva türk xalqlarının yolunun dövlətlərin mövqelərinin birliyindən keçdiyini vurğulayıb. O, Kipr türk xalqının üzləşdiyi bütün problemlərin tezliklə öz həllini tapacağına ümid etdiyini bildirib.

S.Əliyevanın sözlərinə görə, Azərbaycanın ombudsman təsisatının bu il keçiriləcək tədbirlərində ŞKTR nümayəndə heyəti də təmsil olunacaq.

Türkiyənin baş ombudsmanı Şeref Malkoç da Kipr türklərinə dəstəyini ifadə edib. “Əminəm ki, ŞKTR tezliklə bütün beynəlxalq hüquq normalarına uyğun olaraq dünya dövlətləri arasında öz layiqli yerini tutacaq”, - deyə o vurğulayıb.

Lefkoşada Azərbaycan və Türkiyə ombudsmanlarının ŞKTR parlamentinin sədri Zorlu Töre və Baş nazir Ünal Üstel ilə görüşü də planlaşdırılır.

Bundan əlavə, Türkiyə, ŞKTR və Azərbaycan ombudsmanlarının üçtərəfli görüşü keçiriləcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video