07 Aprel 2022 12:00
5461
Səhiyyə
A- A+

Sınmış termometrin civəsi təhlükə mənbəyidir  

 

Sınmış termometrdən dağılan civə qatı maye halında olur. Həmin maddə asanlıqla xalça və döşəmənin arasına yayılıb yavaş-yavaş buxarlanaraq havanı zəhərləyə bilir. Mütəxəssislər hesab edirlər ki, insan bu hava ilə nəfəs alarsa, civə onun orqanizmində böyrək, qaraciyər və beyində toplanaraq zəhərlənmə yaradır. Civə zəhərlənməsi uzun müddət özünü büruzə vermir. Şüşə termometrin uc hissəsində yerləşən bu cüzi həcmli civə çox təhlükəlidir.

AZƏRTAC xəbər verir ki, Kliniki Tibbi Mərkəzin Toksikologiya şöbəsinin baş həkimi Azər Maqsudov civədən zəhərlənmə daha çox azyaşlı uşaqlar arasında zəhərlənmə halları baş verdiyini deyib: “Çox vaxt uşaqlar şüşə termometrlərin xüsusilə başlığına maraq göstərir və dişləyirlər. Belə olanda onlar şüşə qırıntılarından zədə alır və civəni udurlar. Civə ağır metallara aid olsa da, praktiki olaraq zəhərlənmə vermir. Lakin onun duzları çox ağır toksiki təsirə malikdir və çox ağır zəhərlənməyə səbəb olur”.

Ev şəraitində dağılmış civəni yığmaq üçün süpürgə və ya sərt fırçadan istifadə etmək məsləhət deyil. Bu maddənin buxarlanmasının təhlükəli xassələrindən biri onun taxta, divar kağızı və plastik şüşə kimi səthlərə boya kimi hopmasıdır. Ona görə də onun təmizlənməsi üçün 112 qaynar xəttinə zəng edib Fövqəladə Hallar Nazirliyinin mütəxəssislərindən məsləhət almaq və onların tövsiyələri əsasında zəruri işlər görmək lazımdır.

Gümüşü rəngdə olan bu maddə havadan 7 dəfə ağırdır. Termometrdə olan 2 qram civə 6 min metrə qədər havanı çirkləndirə bilər.

Mərkəzi Gömrük Hospitalının həkim-terapevti Nərgiz Kərimovanın dediyinə görə, isti otaqda civə tez buxarlanır: “Hərarət ölçən cihaz qırılanda mütləq şəkildə civəni otaqdan tamamilə təmizləyərək evin havasını dəyişmək lazımdır. Xoşagəlməz hallarla üzləşməmək üçün elektron termometrdən istifadə etmək daha rahat və təhlükəsizdir”.

Civə zəhərlənməsinin əsas əlamətləri ümumi zəiflik, udlaq və ağızın selikli qişasının mis rəngində qızarması, qarında kəskin ağrılar və bədən hərarətinin 38-39 dərəcəyədək yüksəlməsidir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video