Sənətin unutdurmadığı "Unudulan adam"
Özünəməxsus yaradıcılıq üslubu ilə Azərbaycan kino sənətində iz qoymuş aktyor Həsənağa Salayev 1921-ci ildə Bakıda qulluqçu ailəsində dünyaya gəlib. Yeddi yaşında 6-cı Şura məktəbində təhsil almağa başlayıb. 1937-ci ildə həmin məktəbin doqquzuncu sinfini yüksək qiymətlərlə başa vurub. Elə həmin il Bakı Teatr Texnikumuna daxil olub. 1938-ci ildə Akademik Milli Dram Teatrının aktyor heyətinə qəbul ediləndə hələ tələbə idi. Təhsilini başa vurduğu günlərdə, 1941-ci ildə müharibəyə yollanıb. Ona çox doğma olan teatra bir də 1946-cı ildə dönüb.
Gənc, istedadlı və yaraşıqlı aktyora həm teatrın repertuarında olan, həm də yeni tamaşalarda maraqlı rollar tapşırılıb. Çox keçməyib ki, Akademik Milli Dram Teatrının aparıcı aktyorlarından biri kimi tanınıb. Həsənağa Salayev müxtəlif illərdə "Xanlar"da Mamulya, "Fərhad və Şirin"də Fərhad, "Vaqif"də Eldar, Qacar və Vaqif, "Qatır Məmməd"də Əziz, "Şərqin səhəri"ində Mustafa, "Otello"da Montano, "Antoni və Kleopatra"da Sezar, "Qış nağılı"ında Florizel və Leont, "Türkiyədə"də Hüseyn Həlim, "Həyat"da Abbas, "Cavanşir"də Qartal və Söhrab, "Alov"da Əmin Bəxtiyarov, "Sevilya ulduzu"nda Tavera, "Sənsiz"də Fərhad, "Qaçaq Nəbi"də Vəli, "Solğun çiçəklər"də Bəhram, "Od gəlini"ndə Qorxmaz, "Almaz"da İbad, "Oqtay Eloğlu"da Oqtay, "Daş qartal"da Maksim, "Hind gözəli"ndə Çarudatta, "Hacı Qara"da Heydər bəy, "Şeytanın şagirdi"ndə Riçard Daycen, "İkinci səs"də Rəşad, "Şöhrət və ya unudulan adam"da Doktor, "Orlean qızı" Dünua, "Səyavuş"da Keykavus rollarını uğurla ifa edib.
Aktyorluq məharətinə kinorejissorlar da laqeyd qalmayıblar. Onu çəkdikləri filmlərə dəvət ediblər. Kino sənətində ilk addımlarını 1947-ci ildə rejissor Yefim Dziqanın ekranlaşdırdığı, "Azərbaycanfilm" kinostudiyasında istehsal olunan "Fətəli xan" filmində yaralı əsgər rolu ilə atıb. Sonralar "Görüş", "O olmasın, bu olsun", "Onu bağışlamaq olarmı?", "Koroğlu", "İstintaq davam edir" bədii və "Aygün" televiziya filmlərində Süleyman, Musa, Əzim Əzimzadə, Qüdrət, Eyvaz, Mayor Rüstəmov, Əmirxan rollarına çəkilib.
Həsənağa Salayev həm də Azərbaycanda dublyajın formalaşmasında böyük əməyi olan sənətkarlardan biri idi. O, filmlərdə, radio tamaşalarında səsləndirdiyi hər bir obrazın daxili aləmini tamaşaçıya çatdıra bilirdi.
Aktyorluq sənətində uğurlarına görə, o, 1959-cu ildə Əməkdar artist, 1974-cü ildə isə Xalq artisti fəxri adlarına layiq görülüb.
"Romantik və realist aktyor məktəblərinin estetik prinsiplərini öz yaradıcılığında məharətlə əks etdirən aktyor" adlandırılan Həsənağa Salayev öz sevimli sənətini hər zaman uca tuturdu. Tamaşaçıların diqqətini bircə sözü, ya da hərəkəti ilə cəlb edə bilirdi, diqqət mərkəzində olmağı bacarırdı. Aktyor ona həvalə olunan hər bir rola çox ciddi yanaşırdı.
Unudulmaz rolların ustası olan aktyoru peşəkarlığının zirvəsində ikən - 1975-ci ildə keçirdiyi infarkt tədricən səhnədən uzaqlaşdırdı. 1976-cı ildə, əlli dörd yaşında iflic xəstəliyinə düçar oldu. Yataq xəstəsi olan sənətkara baş çəkməyə gələnlərin sayı getdikcə azaldı. Aktyor bir zamanlar səhnədə əzəmətli görünüşü, məğrur səsi ilə ifa etdiyi "Unudulan adam" tamaşasındakı qəhrəmana çevrildi. O, 1981-ci il oktyabrın 2-də dünyasını dəyişdi. Amma adı sevənlərinin qəlbində əbədi yer tutdu.
Zöhrə FƏRƏCOVA,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Yeni buz forması kəşf edilib
27 Iyul
Yeni axtarış sistemi işə salınır
27 Iyul
Parlament seçkilər ilə əlaqədar 6 milyon 516 min 567 seçki bülleteni çap ediləcək
27 Iyul
Azərbaycanın güllə atıcısı Paris olimpiadasında 24-cü olub
27 Iyul
Parlament seçkilərində müşahidəçi qismində iştirak etmək üçün indiyədək 2794 nəfər akkreditasiyadan ...
27 Iyul
Gəncədə sənaye müəssisələrinin rəhbərlərilə görüş keçirilib
27 Iyul
Milli Məclisə növbədənkənar seçkilərdə iştirak üçün 1255 nəfər müraciət edib
27 Iyul
Rövzət Qasımov: Ombudsman Aparatı və MSK parlament seçkiləri ilə əlaqədar birgə maarifləndirmə tədbi...
27 Iyul
Sorğu: Almaniyalıların 73 faizi hökumətin işindən narazıdır
27 Iyul
“Paris-2024”: Azərbaycan avarçəkəni 1/4 finala vəsiqə qazanıb
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!