31 May 2023 15:10
360
DÜNYA
A- A+

Saturnun peykində su buxarı aşkar edilib

 

“James Webb” kosmik teleskopu vasitəsilə Saturnun peyklərindən biri olan Enseladın kosmosa nəhəng su buxarı ifraz etdiyi məlum olub. Bu su buxarında canlı orqanizmlərin formalaşmaları üçün lazım olan kimyəvi elementlər aşkarlanıb.
Su buxarının fotosu ötən ilin noyabrında çəkilsə də, alimlər onu mayın17-də keçirilən elmi konfransda sərgiləyiblər. Alimlərin sözlərinə əsasən, ifraz edilmiş su buxarı sözün əsl mənasında nəhəng olub. “James Webb”in təkmilləşdirilmiş təchizatları sayəsində məlum olub ki, su buxarı kosmosa daha öncə düşünüldüyündən daha uzaq məsafəyə ifraz edilir.
Enseladın su buxarları barəsində ilk məlumat 2005-ci ildə əldə edilmişdi. Həmin vaxt NASA-nın “Cassini” kosmik aparatı Enseladın səthindəki çatlar arasından ifraz edilən buz hissəciklərini kəşf etmişdi.
Tədqiqatçılar bildirirlər ki, su buxarı o qədər güclüdür ki, hətta Saturn halqalarından birinin formalaşmasında iştirak edir. Araşdırmalar nəticəsində məlum olub ki, bu su buxarlarının tərkib hissəsini metan, CO2 və ammonyak təşkil edir. Bu orqanik molekullar isə həyat formasının yaranması üçün vacib olan faktorlardan biridir.
Alimlər güman edirlər ki, kosmik aparatlar tərəfindən kəşf edilmiş su buxarı Enseladın səthinin alt hissəsində yerləşən nəhəng okeanın iştirakı ilə baş verən hidrotermal proseslərin nəticəsidir. Bunu aydınlaşdırmaq üçün peykdə missiya planlaşdırılır. Plana əsasən, Enceladus “Orbilander”  kosmik aparatı 6 ay ərzində Enseladın orbitində yerləşəcək və onun səthinə yaxın məsafədə uçaraq lazımi nümunələri yığacaq. Bununla yanaşı, peykin səthinin alt hissəsinə xüsusi robotun göndərilməsi də planlaşdırılır.

Ülkər XASPOLADOVA,
“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video