18 Mart 2023 14:56
402
CƏMİYYƏT
A- A+

Ramazanda imsak və iftarda qidalanma qaydaları  

 

Martın 23-dən “on bir ayın sultanı” adlandırılan Ramazan ayı başlayır. Bu il də orucluq yaz aylarına təsadüf etdiyindən günlər xeyli uzun keçir. Bu isə o deməkdir ki, günün xeyli hissəsi ac qalmaq lazım gələcək. Ona görə də elə qidalanmaq lazımdır ki, həm gün boyu aclıq hiss etməyəsən, həm də iftar süfrəsi açılana qədər taqətdən düşməyəsən. Mütəxəssislər imsakda toxluq müddətini uzadan, bədəndə mayeni saxlayan qidalara üstünlük verməyi tövsiyə edirlər.

AZƏRTAC xəbər verir ki, Qida Təhlükəsizliyi İnstitutunun mütəxəssisi Əfsanə Cabbarova deyib: “Həzm problemləri yaşamamaq və qanda şəkərin miqdarını normada saxlamaq üçün lifli qidalardan daha çox istifadə edilməlidir. İmsakda yumurta, süd məhsulları və yulafdan hazırlanan qidalar istifadə edildikdə toxluq hissi daha uzunmüddətli ola bilər”.

Onun dediyinə görə, duzlu-ədviyyatlı qidalar rasiondan çıxarılmalıdır. Bununla yanaşı, imsakda boyat yeməklərdən imtina etmək lazımdır. Orucu açarkən da düzgün qidalanmaq lazımdır ki, gün boyu ac qalan mədəyə ağırlıq düşməsin.

“Orucu ilıq su ilə açmaq lazımdır. İftarda quru qidaların birbaşa qəbulu həzm problemi yarada bildiyindən qidalanmağa sulu yeməklərlə başlamaq lazımdır. Mümkün qədər az yağlı, tərkibində sous olan müxtəlif kalorili yeməklərin, xəmir xörəklərinin, qızartmaların, acılı-ədviyyatlı qidaların Ramazan ayı boyu iftar süfrəsində yer almaması məsləhət görülür. Maye olaraq süd, ayran, az şəkərli kompot istifadə olunmalıdır”,- deyə mütəxəssis bildirib.

Mütəxəssislər yeməkdən sonra dərhal şirniyyat qəbulu etməyi düzgün saymırlar, çünki artıq çəkiyə səbəb olur. Bundan başqa iftarla imsak arasında fasilələrlə çoxlu maye qəbul etmək tövsiyə edilir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video