06 Dekabr 2023 12:57
5646
Səhiyyə
A- A+

Qızılcanın təhlükəsiz sovuşması üçün iki doza peyvənd vurulmalıdır

 

Uşaqlar arasında sürətlə yayılan yoluxucu xəstəliklərin daha yüngül keçməsi və qalıcı fəsadların olmaması üçün balacaların peyvəndlənməsi gecikdirilməməlidir.

AZƏRTAC xəbər verir ki, həkim-pediatr Aygün Sadıqova deyib: “Qızılcaya qarşı peyvəndlər iki dəfə - uşağın 1 və 6 yaşında vurulur. Əgər həmin yaşlar arasında vurulmayıbsa və artıq vaxt keçibsə, dörd ay fasilə olmaqla iki dəfə vurulması məsləhətdir. Qrip peyvəndinə qarşı vaksinləmə bir qədər müxtəlifdir. Əsasən sentyabr-oktyabr aylarından başlayıb dekabr-yanvar aylarına qədər qripin özünü necə göstərməsinə əsasən qərar verilir. Həmin peyvəndin müxtəlif yaş qruplarına vurulma qaydası müxtəlifdir. Altı ayından üç yaşına qədər yarım doza vurulur, əgər heç peyvənd vurulmayıbsa, dörd ay fasilə ilə iki dəfə vurulur. Əgər nə vaxtsa vurulubsa, yenə yarım doza bir dəfə vurulur”.

Həkimlər bildirirlər ki, bir xəstəliyin yayılması zamanı onu pandemiya və ya epidemiya halına çevrilməsini epidemioloqlar müəyyən edirlər. Hazırda ölkədə yayılması davam edən qızılca xəstəliyinə hələ kütləvi yoluxmalar qeydə alınmayıb. Lakin nəzərə almaq lazımdır ki, qızılca yüksək yoluxduruculuq qabiliyyətinə malik kəskin xəstəlikdir və yaxın təmasda olanların 90 faizini yoluxdura bilər. Peyvənd qızılca ilə əlaqədar ağırlaşmaların və ölümün qarşısını alır.

Mütəxəssislərin dediyinə görə, yüksək risk qrupuna 5 yaşdan aşağı immuniteti zəif olan uşaqlar onkoloji, revmatoloji xəstəliyi olanlar və kimyaterapiya alan xəstələr aiddir.

Artıq ölkə üzrə qrip əleyhinə peyvəndləmə işlərinə başlanılıb. Eyni zamanda orta və yaşlı əhalinin qızılcaya qarşı vaksinasiya olunması nəzərdə tutulur.

Səhiyyə Nazirliyi Azərbaycanda 10 yaşa qədər uşaqların qızılcaya qarşı vaksinasiyasına dair yaydığı məlumatda bildirir ki, peyvəndin 1-ci dozasını vaxtında almayan uşaqlar tez bir zamanda vaksinasiya olunmalı, 6 yaşına çatdıqda isə peyvəndin 2-ci dozasını almalıdırlar. Hər hansı səbəbdən peyvəndin 2-ci dozasını vaxtında almayan 10 yaşa qədər uşaqlar tez bir zamanda peyvəndin 2-ci dozasını almalıdırlar. Peyvəndin hər iki dozasını vaxtında almayan 10 yaşa qədər uşaqlar minimum 4 həftə intervalla peyvəndin 1-ci və 2-ci dozasını almalıdırlar.

Uşaqların vaksinasiyası üçün yaşayış yeri üzrə uşaq əhalisinə ambulator-poliklinik xidmət göstərən tibb müəssisələrinə müraciət edilməsi tövsiyə olunur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video