25 Aprel 2024 14:31
130
SİYASƏT
A- A+

Qırğız parlamentarisi: Türk dövlətləri arasında əlaqələr intensivləşir  

 

Türk dövlətləri arasında əlaqələr intensivləşməkdə davam edir. Qırğızıstanla Azərbaycan arasında dövlətlərarası və hökumətlərarası əlaqələrimiz yüksək səviyyədədir. Qırğız Respublikasının Prezidenti Sadır Japarovun Azərbaycanda dövlət səfərində olması, paytaxt Bakıda görkəmli qırğız yazıçısı Çingiz Aytmatovun abidəsinin açılışı da bunu bir daha təsdiqləyir.

AZƏRTAC xəbər verir ki, bu fikirləri Qırğızıstanın Joqorku Keneşin (parlament) Beynəlxalq məsələlər, müdafiə, təhlükəsizlik və miqrasiya komitəsinin sədr müavini Lurova Leyla aprelin 25-də Bakıda keçirilən Türk dövlətləri parlamentlərinin Xarici əlaqələr komitələri sədrlərinin birinci iclasında səsləndirib.

Türk İnvestisiya Fondunun təsis olunmasının əhəmiyyətindən danışan Qırğızıstan parlamentarisi bunun Türk Dövlətləri Təşkilatı (TDT) çərçivəsində iqtisadi əlaqələr baxımından mövcud potensialdan səmərəli istifadəyə imkan verəcəyini qeyd edib.

Qırğızıstan parlamentarisi türk dövlətləri arasında nəqliyyat əlaqələrinin də möhkəmləndirilməsinin vacibliyini diqqətə çatdırıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video