08 Fevral 2023 10:49
300
CƏMİYYƏT
A- A+

Qaxda qar örtüyünün hündürlüyü 45 santimetrə çatıb  

Ekologiya və Təbii Sərvətlər Nazirliyinin Milli Hidrometeorologiya Xidmətinin fevralın 8-nə olan məlumatına əsasən ölkə ərazisində hava şəraiti yağıntılı olub, dağlıq və dağətəyi rayonlarda qar yağıb, bəzi yerlərdə intensivləşib.

Xidmətdən AZƏRTAC-a bildirilib ki, qar örtüyünün hündürlüyü Qaxda 45, Ağdərədə (Ordubad) 32, Şahdağda 14, Xaltanda 12, Göygöl, Gədəbəydə 10, Qrız, Daşkəsən 8, Altıağacda 7, Oğuz 6, Şəkidə 16, Şahbuz 3, Qəbələ, Zaqatala, Qobustanda 1 santimetr təşkil edib.

Düşən yağıntının miqdarı: Qaxda 24, Zaqatalada 16, Balakəndə 12, Oğuzda 10, Lənkəranda 11, Astarada 9, Gədəbəydə 8, Ağdərədə 7, Şəkidə 10, Qəbələdə 5, Şahbuzda 4, Mingəçevir, Sədərək, Tərtər, İmişlidə 3, Zərdab, Altıağac, Qobustan, Yardımlıda 2, Beyləqan, Kürdəmir, Naftalan, Ağdam, Ordubad, Naxçıvan, Maştağada 1 millimetrədək olub.

Şimal-qərb küləyi əsib, arabir Neftçala, Mingəçevirdə saniyədə 20, Naftalan, Ceyrançöldə 18, Bakıda və Abşeron yarımadasında arabir 27 metrədək güclənib. Neft Daşları meteoroloji stansiyasının məlumatına əsasən Xəzər dənizində dalğanın hündürlüyü 3.5 metrə çatıb.

Naxçıvan, Daşkəsən, Göygöl, Gəncə, Şəmkir, Balakən, Oğuz, Qəbələ, Zaqatala, Şəki, Şamaxı, Qrız, Qobustan, Quba, Qusar, Xaltan, Tərtər və Lerikdə duman müşahidə olunub, görmə məsafəsi 50-100 metrədək məhdudlaşıb.

Havanın minimal temperaturu: Bakıda və Abşeron yarımadasında 3°-dək isti, Naxçıvan Muxtar Respublikasında 5-dək° şaxta, dağlıq rayonlarda 11° şaxta, aran rayonlarında 4°-dək isti olub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video