Parisdə “COP29 - BEA enerji keçidi yüksək səviyyəli dialoq” mövzusunda konfrans keçirilib
Parisdə Beynəlxalq Enerji Agentliyinin (BEA) qərargahında BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına (COP29) həsr olunmuş “COP29 - BEA enerji keçidi yüksək səviyyəli dialoq” mövzusunda konfrans keçirilib.
AZƏRTAC xəbər verir ki, toplantıda müxtəlif ölkələrin aidiyyəti nazirləri, COP26, COP27, COP28 və COP29-un prezidentləri, beynəlxalq təşkilatların rəhbərləri, Fransada akkreditə olunmuş müxtəlif ölkələrin səfirləri iştirak ediblər.
Azərbaycanın ekologiya və təbii sərvətlər naziri, COP29-un müəyyən olunmuş prezidenti Muxtar Babayev və Beynəlxalq Enerji Agentliyinin icraçı direktoru Fatih Birol konfransa həmsədrlik ediblər.
BEA-nın icraçı direktoru Fatih Birol konfransı açaraq, tədbirin əhəmiyyətindən danışıb.
Azərbaycanın ekologiya və təbii sərvətlər naziri, COP29-un müəyyən olunmuş prezidenti Muxtar Babayev BEA-nın təşkil etdiyi Zirvə toplantısında Afrika ölkələri üçün təmiz yemək hazırlamaq təşəbbüsünü dəstəkləyən ölkələrə təşəkkür edib. Bildirib ki, 2024-cü ilin Afrikada təmiz yemək bişirmək üçün dönüş nöqtəsinə çevrilməsinə verilən töhfələr əhəmiyyətlidir. Azərbaycan bu uğuru möhkəmləndirməyə və COP29-da bu səyləri davam etdirməyə sadiqdir. Beynəlxalq müqavilələri milli fəaliyyətə çevirdikcə Beynəlxalq Enerji Agentliyi kimi tərəfdaş agentliklərin dəstəyinə ehtiyac olacaq.
COP29-un prezidenti diqqətə çatdırıb ki, COP29 sədrliyi ambisiyaları artırmaq və hərəkətə keçmək üçün planının iki istiqamətini ötən ay Berlində təqdim edib. Bu iki istiqamət qarşılıqlı olaraq bir-birini möhkəmləndirir. Hər bir ölkə qlobal istiləşmənin 1,5 dərəcəyədək məhdudlaşdırılması məqsədinə çatmaq üçün ehtiyac olan maliyyələşməni müəyyənləşdirərək milli planlarını tərtib etməlidir. Milli planların düzgün siqnallar verməsinə əmin olmaq üçün onların iddialı və həyata keçirilə bilən olması mütləqdir. Milli planlar möhkəm təməllərə əsaslanmalı və milli inkişaf strategiyası çərçivəsində qurulmalıdır. Milli planlar dəstəyi istiqamətləndirmək üçün investisiya portfeli kimi xidmət etməli və şəffaflıqla müşayiət olunmalıdır.
Muxtar Babayev bəzi ölkələrin qlobal istiləşmənin 1,5 dərəcə qədər məhdudlaşdırılması planlarının elmi və milli şəraitə necə uyğunlaşmasının müəyyən edilməsində çətinliklərə rast gəlindiyini, bu baxımdan BEA-nın təcrübəsinin bu çoxmillətli səylərə mühüm dəstək ola biləcəyini vurğulayıb. COP29-un sədrlik planının əsas mehvərinə gəldikdə isə “Global Stocktake” hədəflərini həyata keçirmək imkanı əsasən iqlim maliyyələşdirməsini genişləndirmək qabiliyyəti ilə müəyyən ediləcək. Buna görə də icra vasitələrinin təmin olunması COP29 sədrliyinin plan və mandatının əsasını təşkil edir. Həmçinin COP29 sədrliyinin ədalətli və iddialı yeni iqlim maliyyələşməsi hədəfi barədə razılığın əldə edilməsi üzərində işlədiyi, qlobal maliyyə institutlarını gücləndirməyə çalışdığı qeyd edilib. Özəl sektoru keçid dövrlərinə sərmayə yatırmağa cəlb etməyə, iqlim fəaliyyətinə dəstək verməyə və planetin mühafizəsinə töhfə verməsi üçün bütün mexanizmlərdən istifadə etməyə çalışıldığı bildirilib. Beynəlxalq Enerji Agentliyinin COP konfranslarına ev sahibliyi edən ölkələrə yardımda mühüm rol oynadığı vurğulanaraq, COP29 sədrliyinin onun davamlı dəstəyinə arxalanacağı qeyd edilib.
“Həmçinin şəffaflıq da COP29 planının əsas diqqət mərkəzində olacaq, çünki iqlim dəyişikliyi ilə mübarizə indiyə qədər əldə olunmuş tərəqqinin qiymətləndirilməsi üçün aydın anlayış tələb edəcək. Milli səviyyədə Paris Sazişinin yeni gücləndirilmiş şəffaflıq çərçivəsində ilk İkiillik Şəffaflıq Hesabatlarını (BTR) təqdim etmək üçün Tərəflərlə işləyirik. İnkişaf etməkdə olan ölkələrin həmin hesabatları hazırlamaq, yekunlaşdırmaq və gücləndirilmiş şəffaflıq çərçivəsində universal iştiraka nail olmaq üçün davam edən səylərinə töhfə vermək məqsədilə Azərbaycan COP29-un sədri kimi, BMT-nin İqlim Dəyişikliyi üzrə Katibliyinin (UNFCCC) dəstəyi və əməkdaşlığı ilə bir sıra təlim və seminarlar təşkil edəcək”, - deyə COP29-un prezidenti söyləyib. Bildirib ki, artıq bir neçə maraqlı tərəf qrupunun iştirakı ilə BTR-in hazırlanmasında etimad və potensialın yaradılması üzrə ilk seminar başlayıb.
Konfransda 40 nəfər çıxış edərək iqlim dəyişikliyi, yaşıl enerjiyə keçid ilə bağlı fikir və təkliflərini səsləndirib. Tədbirdə Azərbaycanın bərpaolunan enerji mənbələri üzrə yüksək potensiala malik ölkə olduğu vurğulanıb. Ölkəmizdə yaşıl enerji layihələrinin həyata keçirildiyi, Azərbaycan yaşıl enerjisinin ixracı, yaşıl enerji dəhlizinin yaradılması və bərpaolunan enerjinin onun vasitəsilə regiona və Avropa ölkələrinə nəqlindən danışılıb. Çıxış edənlər COP29-a ev sahibliyi işində Azərbaycana uğurlar arzulayıblar.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Turizmin əhəmiyyəti
27 Iyul
Qəbələdə turizm infrastrukturu genişlənir
27 Iyul
Azərbaycan qazının Türkiyəyə tədarükü avqust ayında müvəqqəti dayandırılacaq
27 Iyul
Səfir: Azərbaycanla Niderland su problemlərinin idarə edilməsi mövzusunda bənzər sistemlərə malikdir...
27 Iyul
BMT nümayəndəsi: Azərbaycan beynəlxalq səviyyədə Vahid Sağlamlıq yanaşmasının tətbiqi sahəsində gücl...
27 Iyul
Sülh sazişini imzalamağın vaxtı çatıb
27 Iyul
Azərbaycan Respublikası Maliyyə Monitorinqi Xidmətinin informasiya sisteminə inteqrasiya edilən info...
27 Iyul
Bərpaolunan enerji mənbələrindən istifadə sahəsində layihələrin həyata keçirilməsinə dair Komissiyan...
27 Iyul
Ertuğruloğlu: Azərbaycan, Türkiyə və ŞKTC bir-birilərini dəstəkləməli, ümumi maraqları müdafiə etməl...
27 Iyul
"Azərbaycan Respublikası Hökuməti il ə Türkiyə Respublikası Hökuməti arasında miqrasiya sahəsində əm...
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!