Türkiyənin Antalya şəhərində davam edən BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) tədbirləri çərçivəsində Azərbaycan pavilyonunda “Özəl kapitalın iqlim fəaliyyəti üçün səfərbər edilməsi” mövzusunda müzakirilər keçirilib.
AZƏRTAC xəbər verir ki, Beynəlxalq Maliyə İnstututunun eksperti Emre Tiftikin moderatorluğunda keçirilən sessiyada “Boston Colculting Group” təmsilcisi Veronika Çau, “J.P.Morgan Chase” qrupunun departament rəhbəri Linda Frenç və digərləri çıxış ediblər.
Qeyd olunub ki, qlobal iqtisadiyyatin tarixi keçid dövrünü yaşadığı bir dövrdə, elektrik enerjisinə artan tələbat, süni intellektin aktiv tətbiqi və təchizat zəncirlərinin dayanıqlılığına zərurət özəl kapitalın iqlim tədbirləri üçün səfərbər edilməsi baxımından böyük imkanlar yaradır. Əsas prioritetlər arasında enerji şəbəkəlirinin müasir dövrün tələblərinə uyğunlaşdırılması, elektrifikasiya, tullantıların idarə olunması, su təhlükəsizliyi, davamlı kənd təsərrüfatı və iqlimə uyğunlaşma kimi istiqamətlər sadalanıb.
Müzakirə iştirakçıları, yeni investisiyaların rəqabət qabiliyyəti, yeni iş yerlərinin yaradılması, milli təhlükəsizlik və strateji muxtariyyət üçün vacib amil adlandırıblar.
Bununla belə, özəl maliyyə resusrlarının risk-gəlir parametrləri, bazarın inkişafındakı çatışmazlıqlar və banklar tərəfindən maliyyələşdirilə biləcək layihələrin məhdudluğu səbəbindən istənilən səviyyədə olmadığı qeyd edilib.
Tədbirdə bankların, sığorta şirkətlərinin və maliyyə institutlarının iqlim investisiyaları ilə bağlı riskləri necə azalda biləcəyi, həmçinin özəl kapitalı hansı formada cəlb edəcəyi ilə bağlı fikir mübadiləsi aparılıb.
31 - Copyjpg_1794009722.jpg)
314444444 - Copyjpg_1793831795.jpg)
