19 Aprel 2024 19:01
339
İDMAN
A- A+

Nyu-Yorkda azərbaycanlı gənclərlə şəbəkələşmə görüşü baş tutub

 

Azərbaycan Respublikası Gənclər və İdman Nazirliyinin, Azərbaycan Respublikası Gənclər Fondunun dəstəyi və Azərbaycanlı Tələbələr və Məzunlar Platformasının (ASAP) təşkilatçılığı ilə Amerika Birləşmiş Ştatlarının Nyu-York şəhərində azərbaycanlı gənclərlə şəbəkələşmə görüşü keçirilib.

ASAP-dan AZƏRTAC-a bildiriblər ki, altı ştatdan 50-yə yaxın gəncin iştirakı ilə şam yeməyi ətrafında keçirilən tədbirdə Azərbaycanın gənclər və idman naziri Fərid Qayıbov, Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev azərbaycanlı gənclərlə görüşüblər.

Gənclərin cəmiyyətin aparıcı qüvvəsi olduğunu deyən Fərid Qayıbov bildirib ki, yalnız Azərbaycanda deyil, dünyanın dörd bir yanında azərbaycanlı gənclərə olan diqqət və qayğı dövlət siyasətinin əsas tərkib hissəsinə çevrilib. Nazir ABŞ-da Azərbaycanı yüksək səviyyədə təmsil edən və üçrəngli bayrağımızı beynəlxalq arenada dalğalandıran gənclərin uğurlarını yaxından izlədiyini deyib.

Ülvi Mehdiyev gənclərlə iş sahəsində innovativ yanaşmanın vacibliyi, sosial innovasiyalarda gənclərin yenilikçi ideyalarının stimullaşdırılması yönündə fəaliyyətlərin önəmindən danışıb.

Gənclər Təşkilatları Milli Şurasının (NAYORA) sədri Rafael Hacıbəyli ABŞ-da ölkəmizi təmsil edən Azərbaycan gəncliyinin inkişafı və dövlətin gənclər siyasətinə göstərdiyi dəstək istiqamətində görülən işlərlə bağlı fikirlərini bölüşüb.

Şəbəkələşmə görüşü ərzində iştirakçılar bir-birlərini yaxından tanımaq, öz təcrübələrini bölüşmək imkanı əldə ediblər.

Gənclər xaricdə yaşadıqları zaman Prezident İlham Əliyevin gənclər siyasəti nəticəsində dövlətimizin onlara göstərdiyi dəstəkdən söz açıblar.

Həmçinin görüşdə gənclərin təhsil aldıqları zaman qarşılaşdıqları çətinliklər, ASAP tərəfindən keçirilən layihələrlə bağlı müzakirələr aparılaraq gənclərin təklifləri dinlənilib, iştirakçılara Gənclər və İdman Nazirliyi, Gənclər Fondu tərəfindən yaradılmış imkanlar haqqında məlumat verilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video