Milli Məclisə seçkilərlə əlaqədar 1000 seçki məntəqəsində veb-kamera quraşdırılıb
Avqustun 22-də Məzahir Pənahovun sədrliyi ilə Mərkəzi Seçki Komissiyasının(MSK) növbəti iclası keçirilib.
AZƏRTAC xəbər verir ki, əvvəlcə Komissiyanın avqustun 16-da keçirilən iclasının protokolu təsdiq olunub.
Sonra 2024-cü il sentyabrın 1-nə təyin edilmiş Azərbaycan Respublikasının Milli Məclisinə növbədənkənar seçkilərlə əlaqədar seçki məntəqələrində veb-kameraların quraşdırılması məsələsinə baxılıb.
Seçkilərin yüksək səviyyədə hazırlanıb keçirilməsi üçün lazımi addımlar atıldığı, seçki subyektlərinə hərtərəfli şərait və geniş imkanlar yaradıldığı vurğulanaraq diqqətə çatdırılıb ki, qarşıdan gələn seçkilərdə çoxsaylı yerli və beynəlxalq müşahidəçilər, media mənsubları, fərqli aşkarlıq institutları azad və sərbəst şəkildə iştirak edirlər.
Bildirilib ki, Azərbaycanda keçirilən seçkilərdə digər vasitələrlə yanaşı, informasiya-kommunikasiya texnologiyalarının ən son innovativ nailiyyətlərindən geniş və effektiv istifadə edilməsi səsvermə günü də aşkarlığın, həmçinin şəffaflığın daha böyük miqyasda təminatına önəmli töhfələr verir.
Xüsusilə qeyd olunub ki, ölkəmizin seçki təcrübəsində 16 ildir uğurla tətbiq olunan veb-kamera təcrübəsi seçki günü səsvermə məntəqələrində proseslərin gedişini hamı üçün açıq platformada bütünlüklə, arasıkəsilmədən və real vaxt rejimində dünyanın istənilən yerindən heç bir qeydiyyat tələb olunmadan internet istifadəçiləri tərəfindən müşahidə etməyə imkan yaradır. İndiyədək keçirilən seçkilərin müşahidəsində iştirak edən aşkarlıq institutları, yerli və beynəlxalq subyektlər, media nümayəndələri, peşəkar seçki mütəxəssisləri veb-kameralardan istifadəni mütərəqqi nailiyyət kimi yüksək qiymətləndiriblər.
Komissiya üzvlərinin müzakirəsi zamanı Milli Məclisə seçkilərdə veb-kameralardan istifadə edilməsinin seçki günü aşkarlığın və şəffaflığın daha da yüksəldilməsində əlavə vasitə kimi mühüm rol oynayacağına əminlik ifadə olunub.
İclasda, eləcə də bildirilib ki, Milli Məclisə seçkilərlə əlaqədar veb-kameraların tətbiqi layihəsi Mərkəzi Seçki Komissiyasının Rəqəmsal İnkişaf və Nəqliyyat Nazirliyi və Xüsusi Rabitə və İnformasiya Təhlükəsizliyi Dövlət Xidməti ilə sıx əməkdaşlığı şəraitində gerçəkləşdirilib.
Müzakirələrdən sonra Mərkəzi Seçki Komissiyası qarşıdan gələn Milli Məclisə seçkilərdə də səsvermə günü seçki məntəqələrində proseslərin texniki parametrləri gücləndirilmiş və daha da təkmilləşdirilmiş veb-kameralar vasitəsilə əvvəldən axıradək, birbaşa və arasıkəsilmədən müşahidə olunması, keyfiyyətli, fasiləsiz yayım imkanlarının təmin edilməsi məqsədilə zəruri texniki və digər şərtlər çərçivəsində 119 seçki dairəsi üzrə 1000 seçki məntəqəsində veb-kameralar quraşdırılmasına qərar verib. Komissiyanın qərarında, habelə veb-kameraların quraşdırılması üçün lazımi fəaliyyətin, texniki və digər şərtlərin təmin edilməsi istiqamətində müvafiq tədbirlərin həyata keçirilərək başa çatdırılması və veb-kamera quraşdırılan seçki məntəqələrinin siyahısının dərc edilməsi nəzərdə tutulub.
Beynəlxalq müşahidə missiyalarının təmsilçiləri, məşvərətçi səs hüquqlu komissiya üzvü, xüsusi icazə almış müşahidəçi və media mənsublarının bilavasitə iştirakı ilə keçirilən iclasda, həmçinin 7 saylı Səbail seçki dairəsi dairə seçki komissiyasının tərkibində dəyişiklik olunub və cari məsələlərə baxılıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycanın xarici dövlət zəmanətli borcunun 7 milyard manatdan çoxu “Cənub Qaz Dəhlizi” üzrədir...
22 Avqust
“Araz-Naxçıvan” Çempionlar Liqasında növbəti böyük hesablı qələbəsini qazanıb
22 Avqust
Azərbaycanın xarici dövlət borcu azalıb
22 Avqust
Türk ekspert: Qərbin Ermənistana dəstəyinin əsas məqsədi bölgədəki güc balansını öz xeyrinə dəyişmək...
22 Avqust
Horadiz-Ağbənd dəmir yolundakı 771 metrlik körpünün dəmir-beton işləri tamamlanıb
22 Avqust
Bakıda Niderlandın müstəmləkəçiliyi altında olan Bonayre adasına həsr olunmuş beynəlxalq konfrans ke...
22 Avqust
Horadiz-Ağbənd dəmir yolu xəttinin layihələndirilməsi 83 faiz yerinə yetirilib
22 Avqust
Milli Məclisə seçkilərlə əlaqədar 1000 seçki məntəqəsində veb-kamera quraşdırılıb
22 Avqust
Şamaxıda “4-cü sənaye inqilabı texnologiyalarının iqlim dəyişikliyi ilə mübarizədə rolu” adlı tədbir...
22 Avqust
Botsvanada dünyanın ən böyük ikinci almazı tapılıb
22 Avqust
DİQQƏT ÇƏKƏNLƏR
Azərbaycan naminə missiya22 Avqust 2024
Xalqa xidmət, dövlətə sədaqət missiyası21 Avqust 2024
Prezident İlham Əliyev və Prezident Vladimir Putin mətbuata bəyanatlarla çıxış ediblər YENİLƏNİB-2...19 Avqust 2024
Azərbaycan-Rusiya: çoxəsrlik tarixə malik iqtisadi əlaqələrin yeni istiqamətləri18 Avqust 2024
Azad Xocalıda zəfər seçkisi17 Avqust 2024
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!