Biz nəqliyyat dəhlizlərindən iqtisadi dəhlizlərə keçməyə can atırıq və buna görə də prioritetimiz bunu özəl sektorun rəhbərlik etdiyi şaxələndirilmiş, ixracayönümlü iqtisadiyyata çevirməkdir. 2021-2025-ci illərdə qeyri-neft-qaz sektorunda real artım ildə orta hesabla 6 faiz təşkil edib, qeyri-neft sənayesi 50 faiz, qeyri-neft-qaz ixracı isə iki dəfəyə yaxın artıb.
AZƏRTAC xəbər verir ki, bu sözləri İkinci Azərbaycan Beynəlxalq İnvestisiya Forumundakı çıxışında iqtisadiyyat naziri Mikayıl Cabbarov deyib.
Nazir qeyd edib ki, 2025-ci ildə qeyri-neft-qaz sektoru ÜDM-in 71 faizini təşkil edib və 2030-cu ilə qədər 82 faizə çatacaq: “2025-ci ilin noyabrında Azərbaycan Mərkəzi Asiya Dövlət Başçılarının Məşvərət Görüşü formatının tamhüquqlu iştirakçısı oldu və praktiki baxımdan Azərbaycan və Mərkəzi Asiya ölkələri tranzit, logistika, energetika və investisiya sahələrinə yanaşmalarını getdikcə daha çox əlaqələndirir. Azərbaycanda yerləşən bir şirkət üçün bu, bir tərəfdən Mərkəzi Asiya bazarlarına, digər tərəfdən isə Türkiyə və Avropaya birləşdirilmiş istehsal bazası deməkdir”.
“İnanırıq ki, müasir dəhliz yalnız yük daşımır. Əslində, biz beş axını fərqləndirmək istərdik: mallar və xidmətlər, enerji, data, kapital və ən əsası insanlar. Mallar və xidmətlər üçün hədəf yalnız yük daşımaq deyil, əlavə dəyər yaratmaqdır. Regiondan gələn xammal burada emal oluna və Türkiyə ilə Avropadakı müştərilərə tərac olun bilər. Bu, Ələt Azad İqtisadi Zonası və platforma təmin edən sənaye parklarımızdan istifadə etməklə artıq baş verir. Enerji dayanıqlılığı digər bir töhfə verən amildir, ticarət sazişləri isə regional və xarici bazarları açır. Bundan əlavə, yeni dəstək mexanizmləri müəyyən edilmiş limitlər daxilində uyğun qeyri-neft ixracı nəqliyyat xərclərinin 70 faizədək hissəsini kompensasiya edir. Azərbaycanda yerləşən istehsalçı üçün bu, dəhliz boyunca və ondan kənardakı bazarlara güzəştli çıxış deməkdir”.
677jpg_1790033437.jpg)
jpg_1790323429.jpg)
jpg_1790321959.jpg)
jpeg_1790318330.jpeg)
