04 Oktyabr 2026 09:01
11954
SİYASƏT
A- A+
Cəbrayıl işğaldan azad edilən ilk rayon oldu

Cəbrayıl işğaldan azad edilən ilk rayon oldu


27 sentyabr 2020-ci ildə torpaqlarımızın azadlığı uğrunda İkinci Qarabağ müharibəsi başladı. Ön mövqelərdə dayanmış hərbçilərimiz böyük cəsarət və hünərlə erməni qəsbkarları ilə döyüşlərə atıldılar. Şanlı Azərbaycan Ordusu Prezident, Müzəffər Ali Baş Komandan İlham Əliyevin rəhbərliyi altında bir-birindən uğurlu əməliyyatlar həyata keçirdi.

Müharibənin elə ilk günlərindən rəşadətli ordumuzun dəqiq və sarsıdıcı zərbələri nəticəsində erməni işğalçılarının illərdən bəri tikib möhkəmləndirdikləri ön mövqeləri darmadağın olundu. Düşmən silah-sursatını, yaralılarını və meyitlərini mövqelərində atıb qaçmağa üz qoydu. Azərbaycan Ordusunun xalqımıza böyük sevinc gətirən Zəfər yürüşləri başladı.

44 günlük Vətən müharibəsinin elə ilk günü Cəbrayıl rayonunun Böyük Mərcanlı, Nüzgar və başqa kəndləri işğalçılardan azad olundu. Ordumuzun Zəfər yürüşləri sonrakı günlərdə də davam etdi. Oktyabrın 3-də Silahlı Qüvvələrimiz Suqovuşan, Mehdili, Çaxırlı, Aşağı Maralyan, Şəybəy və Quycaq kəndlərini erməni qəsbkarlardan təmizlədilər.

Cəbhədən gələn qələbə müjdəli məlumatlar düşmən üzərində böyük zəfərin qazanılacağından xəbər verirdi. Cəbrayıl-Füzuli istiqamətində irəliləyən qoşunlarımız sarsıdıcı zərbələri ilə qəsbkarları geri sıxışdırırdı. Oktyabrın 4-də xalqımız ön cəbhədən verilən daha bir qələbə xəbərinə sevindi. Həmin gün rəşadətli ordumuz düşmən üzərində daha böyük qələbə qazanaraq Cəbrayıl şəhərini və rayonun Karxulu, Şükürbəyli, Çərəkən, Daşkəsən, Horovlu, Mahmudlu, Cəfərabad, Yuxarı Maralyan və Decal kəndlərini işğaldan azad etdi.

Xatırladaq ki, Cəbrayıl rayonu 1993-cü il avqustun 23-də Ermənistan silahlı qüvvələri tərəfindən işğal edilmişdi. İşğal nəticəsində Cəbrayıl rayonuna 13,928 milyard ABŞ dolları məbləğində ziyan dəymişdi. 1050 kvadratkilometri əhatə edən, 52 000 nəfər əhalisi olan rayon ərazisi və bu ərazidəki 72 ümumtəhsil məktəbi, 8 xəstəxana, 132 tarixi abidə, 150 mədəniyyət ocağı, 100-ə yaxın kənd erməni işğalına məruz qalmışdı. Ötən illər ərzində bu şəhər və kəndlər vəhşicəsinə dağıdılmışdı.

Dağtumas kəndinin yaxınlığında yerləşən “Divlər Sarayı” mağarası, Qalacıq kəndindəki “Məscid Təpəsi”, “Canqulu” və “Qumtəpə” kurqanları, Diri dağındakı Mazannənə, Mərmər nənə məqbərələri kimi arxeoloji abidələr, Doğtumas kəndindəki “Başıkəsik Gümbəz”, Sirik kəndindəki “Qala”, Diri dağındakı “Qız qalası”, Xudafərin körpüləri, Çələbilər kəndindəki Məscid kompleksi, rayon mərkəzindəki “Sultan Məcid hamamı”, Şıxlar kəndindəki “Dairəvi Türbə”, Xubyarlı kəndindəki “Dairəvi” səkkizguşəli türbələr və məqbərələr, türk qəbiristanlığındakı türbə və məqbərələrin hər biri işğal zamanı məhv edilmiş və ya dağıntıya məruz qalmışdı. Erməni işğalçılarının qanlı izləri rayonun hər addımında qalmışdı.

Birinci Qarabağ müharibəsində Cəbrayıl rayonundan 362 nəfər şəhidlik zirvəsinə yüksəlib. 191 zabit və əsgər Cəbrayılın müdafiəsi uğrunda gedən döyüşlərdə ağır yaralanaraq əlil olub. 6 nəfər döyüşlər zamanı göstərdikləri igidliyə və cəsarətə görə Azərbaycanın Milli Qəhrəmanı adına layiq görülüb.

2020-ci il noyabrın 26-da “Cəbrayılın azad olunmasına görə” medalı təsis edildi. Rayonun işğaldan azad edilməsi uğrunda gedən döyüşlərdə iştirak edərkən şəxsi igidlik və şücaət göstərmiş yüzlərlə əsgər və zabitimiz bu medalla təltif edildi.

Cəbrayıl rayonu qəsbkarlardan azad olunandan sonra işğal altında olan başqa ərazilərimizin də düşməndən təmizlənməsi üçün uğurlu əməliyyatlar həyata keçirmək mümkün oldu. Cəbrayıldan sonra Azərbaycan Ordusunun Xocavənd rayonunun cənub kəndləri və böyük strateji əhəmiyyətə malik Hadrut qəsəbəsi istiqamətində hərbi əməliyyatlar keçirməsi üçün əlverişli imkanlar yarandı. Cəbrayıldan sonra Füzuli, Zəngilan, Qubadlı və Laçın rayonunun cənub hissəsi işğalçılardan azad edildi.

Onu da qeyd edək ki, qəsbkarlar Cəbrayılın ərazisində bir neçə xətdən ibarət istehkam qurmuşdular. Bu istehkamları yarmaq, keçmək döyüşçülərimizdən çox böyük qəhrəmanlıq və fədakarlıq tələb edirdi. Cəsur zabit və əsgərlərimiz böyük fədakarlıq və qəhrəmanlıq göstərərək bunu bacardılar. Göstərdikləri igidliklə adlarını qəhrəmanlıq tariximizə böyük hərflərlə yazdılar.

Uzun illər erməni işğalında qalmış Cəbrayıl bu gün yenidən qurulur. Böyük Qayıdış Dövlət Proqramı əsasında rayonda genişmiqyaslı bərpa işləri aparılır. Yeni kəndlər və qəsəbələr salınır. Keçmiş məcburi köçkünlər mərhələli şəkildə doğma ocaqlarına qayıdır.

Vahid MƏHƏRRƏMOV,


“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan Respublikası Prezidentinin 2009-cu il 14 may tarixli 95 nömrəli Fərmanı ilə təsdiq edilmiş "Azərbaycan Respublikasının Diasporla İş üzrə Dövlət Komitəsi haqqında Əsasnamə"də dəyişiklik edilməsi barədə

01:03
19 Noyabr

Azərbaycan Respublikası Nazirlər Kabinetinin 2023-cü il 28 dekabr tarixli 485 nömrəli Qərarı ilə təsdiq edilmiş “Dövlət orqanlarının (qurumlarının) və yerli özünüidarəetmə orqanlarının istifadə etməli olduqları texnoloji avadanlığa və proqram təminatına dair tələblərə uyğunluğun müəyyənləşdirilməsi Qaydası”nda dəyişiklik edilməsi haqqında

01:02
19 Noyabr

Azərbaycan Dövlət Su Ehtiyatları Agentliyinin tabeliyində “Su və Meliorasiya üzrə Layihələndirmə və Elmi Tədqiqat İnstitutu”nun strukturunun, işçilərinin say həddinin, əməkhaqlarının (vəzifə maaşları, vəzifə maaşlarına əlavələr, mükafatlar və digər ödənişlər) məbləğlərinin təsdiq edilməsi haqqında

01:01
19 Noyabr

Zelenski: Ukrayna Donald Trampın Çindəki danışıqları barədə məlumat gözləyir  

23:39
18 Noyabr

Gənclər və idman naziri “Eurosport”un nümayəndələri ilə görüşüb

22:37
18 Noyabr

Putin və Trampın görüşü noyabrın 19-na planlaşdırılıb

22:29
18 Noyabr

Latviya səfiri: Azərbaycan təbiəti, tarixi və qonaqpərvərliyi ilə heyran edir  

21:56
18 Noyabr

Səfir: İçərişəhər hər zaman insana ilham verir

21:34
18 Noyabr

Bakıda Şimali Kipr Türk Cümhuriyyətinin müstəqilliyinin 43-cü ildönümü qeyd olunub  

21:18
18 Noyabr

Milli Məclisin sədri Türkmənistanda işgüzar səfərdədir

20:54
18 Noyabr

Azərbaycan ilə ABŞ arasında Strateji Tərəfdaşlıq Xartiyası çərçivəsində əməkdaşlıq layihələri nəzərdən keçirilib  

20:07
18 Noyabr

“Şuşa – İƏT-in turizm paytaxtı 2026” tədbirinin bağlanış mərasimi olub 

19:56
18 Noyabr

Cenevrədə Azərbaycanın sədrliyi ilə Miqrasiya üzrə Qlobal Paktın “Çempion ölkələr” təşəbbüsü çərçivəsində görüş təşkil olunub  

19:29
18 Noyabr

YAP nümayəndə heyəti Rusiyada keçirilən beynəlxalq tədbirdə iştirak edib  

19:12
18 Noyabr

Gürcüstan Müdafiə Qüvvələri komandanının ölkəmizə səfəri davam edir 

18:52
18 Noyabr

Yerjan Mukaş: Şuşa “Turizm paytaxtı” kimi çox gözəl tədbirlərə ev sahibliyi edib 

18:39
18 Noyabr

Kənan Quluzadə: Bu ilin əsas fəlsəfəsi Şuşanın turizm imkanlarını dünyaya tanıtmaqdır  

18:36
18 Noyabr

ANAMA sədri Brüsseldə mühüm görüşlər keçirib: minatəmizləmə sahəsində beynəlxalq əməkdaşlıq genişlənir  

18:29
18 Noyabr

HONOR İstanbulda istehsala başlayıb 

18:27
18 Noyabr

DİN-dən irimiqyaslı əməliyyat: 104 kiloqram narkotik ələ keçirilib, 8 nəfər saxlanılıb 

18:23
18 Noyabr

Azərbaycan-Gürcüstan iqtisadi tərəfdaşlığının inkişaf perspektivlərinə dair fikir mübadiləsi olub  

18:17
18 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!