18 Noyabr 2026 18:39
110
Turizm
A- A+
Yerjan Mukaş: Şuşa “Turizm paytaxtı” kimi çox gözəl tədbirlərə ev sahibliyi edib 

Yerjan Mukaş: Şuşa “Turizm paytaxtı” kimi çox gözəl tədbirlərə ev sahibliyi edib 


Şuşa son üç ildə böyük inkişaf yolu keçib. Şəhərdə “Turizm paytaxtı” ili çərçivəsində qastronomiya festivalı, konsertlər və digər maraqlı tədbirlər təşkil olunub. Bu cür təşəbbüslər İqtisadi Əməkdaşlıq Təşkilatına üzv ölkələr arasında turizm əlaqələrinin inkişafı baxımından mühüm əhəmiyyət daşıyır.

AZƏRTAC-ın bölgə müxbiri xəbər verir ki, bunu Şuşada jurnalistlərə açıqlamasında İqtisadi Əməkdaşlıq Təşkilatının Baş katibinin müavini Yerjan Mukaş deyib.

O bildirib ki, Şuşaya üçüncü dəfədir səfər edir. İlk dəfə 2023-cü ilin dekabrında, Qarabağın işğaldan azad edilməsindən sonra şəhərdə olduğunu xatırladan qonaq sonrakı üç ildə burada baş verən inkişafın onda böyük təəssürat yaratdığını vurğulayıb.

Yerjan Mukaş qeyd edib ki, Şuşanın “Turizm paytaxtı” elan olunması çərçivəsində qastronomiya festivalı, konsertlər və digər maraqlı tədbirlər təşkil edilib.

Səfər zamanı sərgi ilə də tanış olduğunu deyən Baş katibin müavini Azərbaycanın, eləcə də Qazaxıstan, Türkmənistan, İran, Özbəkistan və digər üzv ölkələrin təqdimatlarını izlədiyini bildirib.

"Bu cür tədbirlər bizim region üçün çox faydalıdır. Bilirsiniz ki, təşkilatımızın 10 üzv ölkəsi var. Bura bütün Mərkəzi Asiya ölkələri, Əfqanıstan, İran, Pakistan, Türkiyə və Azərbaycan daxildir. Bu, təşkilatımızın çox yaxşı təşəbbüslərindən biridir. Hər il bir şəhər “Turizm paytaxtı” olacaq", – deyə Yerjan Mukaş vurğulayıb.

O, əvvəlki il Türkiyənin Ərzurum şəhərinin, cari ildə Azərbaycanın Şuşa şəhərinin bu ada layiq görüldüyünü xatırladıb. Gələn il Pakistanın Lahor şəhərinin, 2030-cu ildə isə Qazaxıstanın Aktau şəhərinin “Turizm paytaxtı” olacağını diqqətə çatdırıb.

Baş katibin müavini turizmin xalqlar arasında qarşılıqlı tanışlıq və münasibətlərin möhkəmlənməsində mühüm rol oynadığını qeyd edib. Onun sözlərinə görə, turizmin inkişafı üçün əsas şərtlərdən biri ölkələrdə sabitliyin və qardaşlıq münasibətlərinin olması, digəri isə birbaşa aviareyslərin təşkilidir.

Yerjan Mukaş bu baxımdan Azərbaycanın AZAL aviaşirkətinin Qazaxıstanın Almatı, Astana və Şımkənd şəhərlərinə birbaşa uçuşlarının olmasını müsbət qiymətləndirib.

O, Bakıdan Şuşaya avtomobillə səfər etdiyini, Zəfər yolunun gözəlliyinin və simvolik adının onda xoş təəssürat yaratdığını da bildirib.

Yerjan Mukaş Şuşanın “Turizm paytaxtı” statusunun Pakistanın Lahor şəhərinə ötürülməsi münasibətilə təbriklərini çatdırıb, Azərbaycan xalqına xoş arzularını bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Cenevrədə Azərbaycanın sədrliyi ilə Miqrasiya üzrə Qlobal Paktın “Çempion ölkələr” təşəbbüsü çərçivəsində görüş təşkil olunub  

19:29
18 Noyabr

YAP nümayəndə heyəti Rusiyada keçirilən beynəlxalq tədbirdə iştirak edib  

19:12
18 Noyabr

Gürcüstan Müdafiə Qüvvələri komandanının ölkəmizə səfəri davam edir 

18:52
18 Noyabr

Yerjan Mukaş: Şuşa “Turizm paytaxtı” kimi çox gözəl tədbirlərə ev sahibliyi edib 

18:39
18 Noyabr

Kənan Quluzadə: Bu ilin əsas fəlsəfəsi Şuşanın turizm imkanlarını dünyaya tanıtmaqdır  

18:36
18 Noyabr

ANAMA sədri Brüsseldə mühüm görüşlər keçirib: minatəmizləmə sahəsində beynəlxalq əməkdaşlıq genişlənir  

18:29
18 Noyabr

HONOR İstanbulda istehsala başlayıb 

18:27
18 Noyabr

DİN-dən irimiqyaslı əməliyyat: 104 kiloqram narkotik ələ keçirilib, 8 nəfər saxlanılıb 

18:23
18 Noyabr

Azərbaycan-Gürcüstan iqtisadi tərəfdaşlığının inkişaf perspektivlərinə dair fikir mübadiləsi olub  

18:17
18 Noyabr

Bakıda Gələcəyin Peşələri Sammiti keçirilib

18:13
18 Noyabr

Qısa gəzintilər qan şəkərini tənzimləməkdə daha faydalıdır  

18:10
18 Noyabr

Xəzər dənizinin səviyyəsinin 2050-ci ildən sonra yüksəlməsi ehtimal olunur  

18:03
18 Noyabr

Avropanın enerji nəhəngi “Equinor” kiberhücuma məruz qalıb

17:59
18 Noyabr

Azərbaycanla Gürcüstan arasında ikitərəfli əlaqələrin aktual istiqamətləri nəzərdən keçirilib

17:57
18 Noyabr

“Hayabusa-2” kosmik stansiyasının uçuş marşrutu dəyişdirilib  

17:44
18 Noyabr

Milli Məclisdə 2027-ci ilin büdcə zərfinə daxil olan qanun layihələrinin birinci oxunuşda müzakirəsi başa çatıb YENİLƏNİB  

17:23
18 Noyabr

Yaşar Gülər: Azərbaycanla əməkdaşlıq qarşılıqlı etimad əsasında güclənir  

17:16
18 Noyabr

ABŞ dəniz piyadaları yeni M7 əvəzinə daha çox alman atıcı silahı alacaq

17:05
18 Noyabr

ABŞ Milli Təhlükəsizlik Agentliyinin məxfi şəbəkəsi fəaliyyətini dayandırıb  

16:59
18 Noyabr

Marko Rubio: ABŞ sistemli hücuma məruz qalmayıb

16:58
18 Noyabr

10 ayda 548 mindən çox şəxs aktiv məşğulluq tədbirləri ilə əhatə olunub

16:57
18 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!