Bu gün NDC 3.0 prosesi çərçivəsində uşaqların və gənclərin mənalı şəkildə bu prosesə cəlb olunması ilə bağlı keçirdiyimiz sessiyada, ötən il reallaşdırdığımız fəaliyyətlərimiz və gələcək addımlarımızla bağlı məlumatı bölüşdüm. NDC 3.0 kampaniyasına 2024-cü ildə start verdik. Məqsədimiz uşaqların və gənclərin iqlim qerarvericiliyində səsini eşitdirmək, bu istiqamətdə bilik və bacarıqlarını artırmaq və təşviq edən bir hərəkat yaratmaq idi. Mesajımız aydındır: uşaqların və gənclərin bu proseslərə mənalı şəkildə daxil edilməsi simvolik yox, strateji zərurətdir. Daha yaşıl gələcəyimiz üçün onları mütləq dəstəkləməliyik.
Bu barədə AZƏRTAC-a müsahibəsində COP29-un İqlim üzrə gənclər çempionu Leyla Həsənova Bonnda keçirilən SB62 çərçivəsində deyib.
“Hazırda iqlim dəyişikliyi təkcə ekoloji yox, həm də sosial və humanitar bir böhrandır. Onun ən çox təsir etdiyi qruplardan biri isə uşaqlar və gənclərdir. Bu baxımdan, Uşaqlar, Gənclər, Sülh və İqlim Təhlükəsizliyi üzrə Qlobal Çərçivə üzərində işləmək çox vacibdir və bu təşəbbüsün dəstəklənməsində bizim Sədrliyimizin çox böyük rolu olub.
Bu prosesə baslayandan etibarən, əhəmiyyətli irəliləyişlərə nail olduq, xüsusilə Nyu-Yorkda BMT Baş Assambleyası çərçivəsində və COP29 zamanı keçirilən tədbirlər zamanı bu çərçivənin əsas istiqamətləri və imkanları müəyyənləşdirildi.
Hazırda çərçivə layihə mərhələsindədir və biz onun uşaqların və gənclərin baxışlarını, təcrübələrini əks etdirməsini, onların sülh və iqlim fəaliyyəti sahəsindəki potensialından faydalanmasını istəyirik.
COP29 Sədrliyi olaraq bizim öhdəliyimiz ondan ibarətdir ki, uşaqlar və gənclər bu proseslərdə sadəcə iştirak yox, eyni zamanda bu proseslərin mərkəzində yer alsınlar”, - deyə Leyla Həsənova vurğulayıb.
jpeg_1765955251.jpeg)
jpg_1763916860.jpg)
