21 Fevral 2024 15:46
308
İDMAN
A- A+

Leon Qriqorios: Azərbaycanda aparılan antidopinq siyasəti yüksək standartlara cavab verir

 

“Azərbaycan Milli Antidopinq Agentliyi müsbət işlər görür. Bilirəm ki, ölkənizdə aparılan antidopinq siyasəti yüksək standartlara cavab verir".

AZƏRTAC xəbər verir ki, bu sözləri Yunanıstan Milli Antidopinq Agentliyinin (HADA) rəhbəri Leon Qriqorios Bakıda keçirilən “Olimpiya çempionluğuna doğru: təmiz idmanda milli və qlobal baxışlar" adlı beynəlxalq elmi-praktiki konfrasdakı çıxışı zamanı deyib.

Azərbaycan və Yunanıstan arasında antidopinq sahəsində oxşarlıqların olduğunu deyən funksioner bu konfransdan sonra qarşılıqlı əməkdaşlıq əlaqələrinin daha da inkişaf edəcəyini bildirib: "Bu cür tədbirlərin çoxluq təşkil etməsini istəyirik. Məqsəd idmançıları maarifləndirməkdir. Belə əməkdaşlıqlar böyük əhəmiyyət kəsb edir”.

Qeyd edək ki, Gənclər və İdman Nazirliyinin dəstəyi, AMADA və Azərbaycan Dövlət Bədən Tərbiyəsi və İdman Akademiyasının birgə təşkilatçılığı ilə keçirilən konfrans fevralın 23-də işini Qubada davam etdirəcək. Beynəlxalq idman mədəniyyətinin inkişafı, qadın idmançıların beynəlxalq antidopinq sahəsində maarifləndirilməsi müzakirə mövzuları sırasında yer alacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video