18 Aprel 2024 22:31
432
Mədəniyyət
A- A+

“Keşikçidağ” Dövlət Tarix-Mədəniyyət Qoruğunda abidələr və tarixi yerlər günü qeyd olunub

 

18 Aprel - Beynəlxalq Abidələr və Tarixi Yerlər Günü və 2024-cü ilin Azərbaycanda “Yaşıl dünya naminə həmrəylik ili” elan edilməsi ilə əlaqədar “Keşikçidağ” Dövlət Tarix-Mədəniyyət Qoruğunda tədbir keçirilib.

AZƏRTAC xəbər verir ki, qoruğun ərazisindəki “İlham Əliyev zirvə”sində təşkil olunan tədbirin məqsədi mədəni irsimizin təbliği işinin genişləndirilməsi, ekoloji tarazlığın bərpasına, ətraf mühitin qorunmasına diqqəti cəlb etmək, ictimaiyyət və gənc nəslin diqqətini yaşıllıqların qorunmasına və artırılmasına yönəltməkdir.

İştirakçılar əvvəlcə Keşikçidağ kurqanlar vadisində arxeoloji qazıntılar zamanı aşkarlanmış maddi-mədəniyyət nümunələri və çap məhsullarından ibarət sərgi ilə tanış olublar.

Tədbirdə Qoruğun direktoru Musa Mursaquliyev və Ağstafa Rayon İcra Hakimiyyətinin başçısı Seymur Orucov çıxış edərək COP29 kimi mötəbər tədbirin ölkəmizdə keçirilməsinin önəmindən danışıb, bununla əlaqədar ölkəmizdə silsilə tədbirlərin təşkilindən söz açıblar.

Sonra qonaqlar ərazidə yerləşən mağaralar, onların divar və tavanlarındakı freskalarla tanış olub, “İlham Əliyev zirvə”sinin ətrafında salınmış “Badam bağı”nda ağac tingi əkiblər.

Tədbir konsert proqramı ilə başa çatıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video