Kamran Əliyev: Lokal antiterror tədbirlərindən sonra Azərbaycana qarşı cinayət törədən ermənilərin həbsi daha da sürətlənib
Azərbaycana qarşı cinayətlər törədən erməni separatçılarının həbs olunması prosesi son zamanlar sürətlənib.
AZƏRTAC xəbər verir ki, bunu jurnalistlərə müsahibəsində Baş prokuror Kamran Əliyev deyib.
Onun sözlərinə görə, Qarabağ münaqişəsi başlayandan prokurorluq orqanları, o cümlədən digər hüquq-mühafizə orqanları tərəfindən erməni separatçıları, hərbi birləşmələrinin törətdikləri bütün cinayətlər sənədləşdirilib və sübutlar toplanılıb: "Şərti olaraq həmin cinayətləri dörd qrupa bölə bilərik. Birinci Qarabağ müharibəsi dövründə törədilmiş hərbi cinayətlər, insanlıq, sülh əleyhinə, dinc əhaliyə qarşı törədilmiş terror cinayətləri və digər xarakterli cinayətlər. İkincisi, atəşkəs elan olunandan İkinci Qarabağ müharibəsinə qədər olan dövrdür. Həmin dövrdə atəşkəs elan olunmasına baxmayaraq, erməni qanunsuz silahlı birləşmələri tərəfindən hərbçilərimizə və dinc əhalimizə qarşı cinayətlər törədilirdi. Həmin cinayətlər hamısı qeydə alınırdı, sənədləşdirilirdi və zəruri sübutlar toplanılırdı. Üçüncü kateqoriya 44 günlük Vətən müharibəsi dövründə törədilmiş cinayətlərdir ki, bunlar da həmin dövrdə tərəfimizdən sənədləşdirilib və sübutlar toplanılıb. Dördüncü kateqoriya Vətən müharibəsi başa çatdıqdan sonra 10 noyabr 2020-ci ildən sonrakı dövrü əhatə edir”.
Bütün bu işlər üzrə həm prokurorluq orqanları, həm hərbi prokurorluq və digər aidiyyəti istintaq qurumları, o cümlədən Dövlət Təhlükəsizlik Xidməti tərəfindən cinayət işlərinin başlanıldığını söyləyən Baş prokuror deyib: “103 belə cinayət işi başlanılıb və istintaqı aparılıb, həmin cinayətlərin törədilməsində iştirak edən 300-dən çox şəxs axtarışa verilib. Həmin şəxslərdən əvvəlki dövrlərdə də, İkinci Qarabağ müharibəsi dövründə də həbs olunanlar olub. Onların bir çoxu barəsində məhkəmə hökmləri var. Son zamanlar lokal antiterror tədbirlərindən sonra da bu proses daha da sürətlənib. Əslində Laçın sərhəd-buraxılış məntəqəsi mövcud olduqdan sonra axtarışda olan şəxslərin həbs olunması prosesi başlanıldı. Son zamanlar proses daha da sürətlənib. Həmin şəxslər barəsində Həm Baş Prokurorluqda, həm Hərbi Prokurorluqda, həm də Dövlət Təhlükəsizlik Xidmətində aidiyyəti işlər aparılır. Onların törətdikləri cinayətlər barəsində kifayət qədər sübutlar var. Axtarışda olan vəzifəli erməni separatçılarından dörd nəfəri artıq həbsdədir. Vətən müharibəsi dövründə Gəncənin raket zərbələrinə məruz qalması nəticəsində dinc əhalinin, körpələrin həyatını itirməsinə görə Davit Babayan, Araik Arutunyan və Cəlal Arutunyan axtarışa verilmişdi. Onların biri artıq həbsdədir, barəsində istintaq gedir. Yaxın zamanlarda Azərbaycan ictimaiyyəti həmin şəxslər barəsində ətraflı məlumat alacaqlar. Axtarışda olan digər şəxslərə müraciət edirəm ki, könüllü olaraq Azərbaycan hüquq-mühafizə orqanlarına təslim olsunlar. Onsuz da gec-tez tapılaraq həbs olunacaqlar".
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Türkiyə telekanalı: Xankəndi inkişafının yeni səhifəsinə hazırlaşır
27 Iyul
Mərkəzi Seçki Komissiyasının növbəti iclası keçirilib
27 Iyul
İstanbulda PKK-nın 13 tərəfdarı saxlanılıb
27 Iyul
İranın yeni seçilən prezidenti sabah and içəcək
27 Iyul
Mask Olimpiadanın açılış mərasimini xristianlara qarşı hörmətsizlik adlandırıb
27 Iyul
Viktor Orban: Avropa sülh siyasətini qəbul etməlidir
27 Iyul
Olimpiadada jurnalistləri daşıyan avtobus qəzaya düşüb
27 Iyul
AKAF-ın baş katibi: Parisdə yaxşı nəticə göstərəcəyimizə inanıram
27 Iyul
Paris-2024-də ilk medalçılar bəlli olub
27 Iyul
Paris-2024: Azərbaycanın daha bir cüdoçusu mübarizəni dayandırıb
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
Uzaqgörənlik24 Iyul 2024
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
Avropanın Azərbaycana ehtiyacı artır20 Iyul 2024
Bütün yollar Qarabağa aparır18 Iyul 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!