02 Mart 2024 23:24
470
DÜNYA
A- A+

Husilərin hücumuna məruz qalan Britaniya gəmisi Qırmızı dənizdə batıb

 

Fevralın 19-da Yəməndəki husi üsyançılarının hücumuna məruz qalan Britaniyaya məxsus Rubymar gəmisi dünən Qırmızı dənizdə batıb.

Trend xəbər verir ki, bu barədə Yəmənin beynəlxalq səviyyədə tanınmış hökumətinin SABA dövlət agentliyi tərəfindən yayımlanan bəyanatında deyilir.

Zədələnmiş Rubymar gəmisindəki vəziyyəti izləyən böhran qrupu onun əlverişsiz hava şəraiti və dənizdə güclü külək səbəbindən dünən gecə batdığını bildirib.

Birləşmiş Ərəb Əmirliklərindən Bolqarıstana Beliz bayrağı ilə üzən Rubymar gəmisinə husilərin hücumu nəticəsində ciddi ziyan dəymişdi. Heyət təcili olaraq gəmini tərk etmək məcburiyyətində qalmışdı. Ehtimal edilirdi ki, ABŞ Hərbi Dəniz Qüvvələrinə məxsus gəmilərin köməyi ilə Rubymar yedəyə alınaraq Səudiyyə Ərəbistanının Ciddə limanına aparılacaq.

“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video