11 Iyun 2024 14:58
229
DÜNYA
A- A+

Əs-Sisi Blinkenlə İsrail-HƏMAS müharibəsini müzakirə edib  

 

Misir Prezidenti Əbdülfəttah Əs-Sisi Qahirədə ABŞ-ın xarici siyasət idarəsinin başçısı Antoni Blinkenlə keçirdiyi görüşdə İsrail-HƏMAS müharibəsinin dayandırılmasının zəruriliyini vurğulayıb. O əlavə edib ki, bu münaqişənin bütün Yaxın Şərq regionuna yayılmasının qarşısı alınmalıdır.

AZƏRTAC “Əl Əhram” nəşrinə istinadla xəbər verir ki, Misir Prezidenti iyunun 10-da Qahirədə keçirilən görüşdə Qəzza zolağına humanitar yardımın çatdırılmasına mane olan bütün maneələri aradan qaldırmağa çağırıb. O, həmçinin İsrail-Fələstin münaqişəsinin “iki dövlət” həll yolunun həyata keçirilməsi istiqamətində konkret irəliləyiş əldə etməyin vacibliyini vurğulayıb.

Misir Baş Kəşfiyyat Xidmətinin rəhbəri Abbas Kamelin də iştirak etdiyi görüşdə hər iki tərəf Qəzza zolağında atəşkəsə nail olmaq, əsir və məhbusların mübadiləsi üçün birgə səyləri gücləndirmək barədə razılığa gəliblər. Onlar, həmçinin Qəzza sakinlərinə humanitar yardımın çatdırılmasını təmin etmək üçün Misirin səylərini vurğulayıblar.

Bundan əlavə, Əs-Sisi və ABŞ-ın yüksək səviyyəli diplomatı iki ölkə arasında strateji tərəfdaşlığın möhkəmliyini, habelə müxtəlif mövzular və məsələlər üzrə koordinasiyanı davam etdirmək niyyətində olduqlarını təsdiq ediblər.

Blinken, öz növbəsində, ABŞ-ın regionda təhlükəsizliyin və sülhün bərpası üçün iki ölkə arasında birgə işi və koordinasiyanı davam etdirməkdə maraqlı olduğunu bildirib.

ABŞ-ın dövlət katibi Prezident Co Baydenin irəli sürdüyü yeni atəşkəs təklifini irəli sürmək məqsədi daşıyan növbəti Yaxın Şərq turunun başlanğıcında Qahirəyə gəlib. Bu, Blinkenin İsrailin Qəzzada müharibəsinin başlamasından bəri səkkizinci səfəridir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video