12 Fevral 2024 22:17
254
DÜNYA
A- A+

Ərdoğan: “F16” tələbimizin müsbət nəticələnməsindən məmnunuq

 

ABŞ ilə bir müddətdir davam etdirdiyimiz “F16” tələbimizin müsbət nəticələnməsindən məmnunuq. Türkiyə Müdafiə Sənayesi məhdudiyyətlərin aradan qaldırılması ilə bundan sonra daha sürətlə inkişaf edəcək.

AZƏRTAC xəbər verir ki, bu fikirləri Türkiyə Prezidenti Rəcəb Tayyib Ərdoğan ölkəsinin növbəti hökumət toplantısından sonra açıqlamasında deyib.

Bildirilib ki, ölkədaxili və xarici məsələlərin müzakirə olunduğu toplantının əsas başlığı zəlzələ bölgəsində davam edən yenidənqurma işləri olub.

Qlobal gərginliklərin dünya iqtisadiyyatına mənfi təsirlərindən bəhs edən Ərdoğan deyib ki, inkişaf etmiş və etməkdə olan ölkələrin böyük bir qismi siyasi qeyri-müəyyənliklər və buna bağlı sosial təhlükələrlə üzləşir. Dünyada təsirini davam etdirən bütün bu hadisələrə baxmayaraq, Türkiyə hədəfləri istiqamətində qətiyyətlə irəliləyir.

Türkiyədə turizm sahəsi üzrə tarixi rekorda imza atıldığını deyən Ərdoğan bildirib ki, 2023-cü ildə ölkənin bu sahə üzrə gəliri 17 faiz artaraq, 54 milyard 315 milyon dollara yüksəlib. Ötən il Türkiyəni 57 milyon turist ziyarət edib. Bu il üçün hədəf 60 milyon turist və 60 milyard dollar gəlir əldə etməkdir.

Qeyd olunub ki, Türkiyə son dövrlərdə ixracatda əldə etdiyi yüksəlişi yanvar ayında da davam etdirib. Belə ki, yanvar ayında ixracat rəqəmləri ötən ilin eyni dövrü ilə müqayisədə 3,6 faiz artaraq 20 milyard dollar olub. Bu da Türkiyə tarixinin yanvar ayı üzrə ən yüksək göstəricisidir.

Terrorla mübarizəyə toxunan Türkiyə Prezidenti qeyd edib ki, qarşıdan gələn yay aylarında “Pəncə” əməliyyatı bölgəsində istehkam işləri əhəmiyyətli dərəcədə başa çatdırılacaq və bununla da daha təsirli tədbirlər görmək imkanı yaranacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video