16 Aprel 2024 17:48
358
İDMAN
A- A+

D. Ulyanova: Parisdəki hədəfimiz mükafat qazanmaqdır 

 

Honkonqdakı turnirə yolun başlanğıcı deməzdim. Bu, çox illər əvvəl, ilk turnirimizdə Macarıstanda mübarizə aparanda olub. İdman.biz saytı xəbər verir ki, bunu basketbolun 3x3 növü üzrə Azərbaycan millisinin oyunçusu Dina Ulyanova deyib.
Honkonqda keçirilən Olimpiya Təsnifat Turnirində Paris-2024-ə lisenziya qazanan millimizin basketbolçusu Heydər Əliyev Beynəlxalq hava limanında yığmanın qarşılanma mərasimində əldə olunan uğur barədə fikirlərini açıqlayıb: “Elə idmançı yoxdur ki, Olimpiya Oyunlarını xəyal etməsin. Ola bilər ki, hər səhər “sabah Olimpiadaya gedəcəm" fikri ilə oyanmırsan. Amma öz üzərində çalışırsan, komanda ilə birgə işləyirsən. Lakin bu fikir həmişə başında olur. 10 il əvvəl də, indi də belədir. Həmişə bunu arzulamışam, düşünmüşəm, can atmışam”.
Dina komandamızın mübarizliyini vurğulayıb: “Yarımfinaldan sonra emosiyalarımı saxlaya bilmirdim. Həmişə inanırdım. Lakin hər görüş gərgin keçirdi. Daim konsentrasiyalı olmaq lazım idi. Bizi ən əzmkar komanda adlandırırdılar. Çünki bəzən elə olurdu ki, artıq hər şey mümkünsüz görünür, 0:5 hesabı ilə uduzuruq və necə toparlanacağımız sual doğurur. Amma biz konsentrasiya ola bilirdik və matçdan qalib ayrılırdıq. Finaldan, Aleksandra Mollenhauerin qələbə atışından sonra tamamilə 100 faiz hiss etdik ki, biz Olimpiya Oyunlarına gedirik”.
Ulyanova Parisdəki hədəfi də açıqlayıb: “Parisdə dünyanın ən güclü 8 komandası oynayacaq. Bir saniyə də arxayınlaşmaq olmaz. İndi ola bilər ki, Honkonqda qalib olmağımızı hiss edib, dərk etməliyik. Sonra isə bizi çox iş gözləyir. Dünyanın ən güclü komandaları olacaq. Sakitləşmək olmaz. Hamı fəxri kürsü üçün mübarizə aparacaq. Biz də mükafat qazanmağı heç kimdən az istəmirik. Parisdəki hədəfimiz mükafat qazanmaqdır”.
Basketbolçu uğurun əsas mənbəyini də açıqlayıb: “Nə ilə isə məşğul olmaq və uğura inanmamaq olmaz. İnam uğurun əsas mənbəyidir. Öz işinə inanmalı və sevməlisən”.

 “Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video