14 Iyun 2024 14:33
974
Təhsil
A- A+

Bu il 132-134 nömrəli Təhsil Kompleksindən 139 şagird məzun olur

 

İyunun 14-də 132-134 nömrəli Təhsil Kompleksində “Son zəng” tədbiri keçirilib.

AZƏRTAC xəbər verir ki, Dövlət Himninin səsləndirilməsi ilə başlanan tədbirdə şəhidlərin əziz xatirəsi bir dəqiqəlik sükutla anılıb.

Tədbirdə çıxış edən 132-134 nömrəli Təhsil Kompleksinin direktoru, Əməkdar müəllim Sara Xanlarova müasir müstəqil Azərbaycan dövlətinin memarı və qurucusu Ümummilli Lider Heydər Əliyevin müstəsna tarixi xidmətlərindən danışıb.

Dahi rəhbər Heydər Əliyevin “Təhsil millətin gələcəyidir” kəlamını vurğulayan direktor bildirib ki, Ümummilli Lider elmə, təhsilə daim xüsusi önəm verib, Ulu Öndərin ideyaları Prezident İlham Əliyev tərəfindən bu gün uğurla həyata keçirilir. Ölkəmizdə elmin, təhsilin inkişafı üçün geniş imkanlar yaradılıb.

Azərbaycan Prezidenti, Ali Baş Komandan İlham Əliyevin rəhbərliyi, şanlı Ordumuzun gücü ilə Vətən müharibəsində qazandığımız böyük Qələbənin əhəmiyyətindən bəhs edən S.Xanlarova bu Zəfərin tariximizin qəhrəmanlıq səhifələrinə yazıldığını söyləyib, gəncləri həmişə vətənpərvər olmağa çağırıb.

Direktor Təhsil Kompleksinin məzun və şagirdlərinin təhsildə, beynəlxalq tədbirlərdə qazandıqları nailiyyətlər haqqında da məlumat verib. Qeyd olunub ki, bu il Təhsil Kompleksini 139 şagird bitirir.

Tədbirdə Vətən müharibəsində 132-134 nömrəli Təhsil Kompleksinin üç qəhrəman məzun şəhidinin – Nicat Tarıverdiyev, Fərid Əliyev və Yusif Budaqovun, Birinci Qarabağ müharibəsi şəhidi, Azərbaycanın Milli Qəhrəmanı Riad Əhmədovun əziz xatirəsi yad edilib.

Çıxış edən müəllimlər, valideynlər məzunlara uğurlar arzuladılar. Onlara olan etimadı, inamı doğruldacaqlarına əminlik ifadə olunub.

Sonra məzunların çıxışları dinlənilib, ədəbi-bədii kompozisiyalar nümayiş etdirilib.

“Son zəng” tədbirində Təhsil Kompleksinin məzun şəhidlərinin valideynləri, Səbail Rayon İcra Hakimiyyətinin nümayəndələri, müəllimlər və şagirdlər iştirak ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video