01 Iyun 2023 15:05
210
CƏMİYYƏT
A- A+

BMT tədbirində “ASAN xidmət”in qlobal əhəmiyyəti vurğulanıb  

 

Birləşmiş Millətlər Təşkilatının İqtisadi və Sosial məsələlər üzrə Departamentinin Dövlət institutları və rəqəmsal hökumət sektoru ilə BMT-nin Asiya və Sakit okean üzrə İqtisadi və Sosial Komissiyası tərəfindən Dayanıqlı İnkişaf Məqsədlərinin həyata keçirilməsinin sürətləndirilməsi üzrə dövlət xidmətləri, innovasiyalar və rəqəmsal həllərin inkişafı mövzusunda tədbir təşkil edilib.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin ictimaiyyətlə əlaqələr şöbəsindən AZƏRTAC-a verilən məlumata görə, agentliyin nümayəndəsi Dayanıqlı İnkişaf Məqsədlərinə nail olmaq üçün ölkəmizdə reallaşdırılan ağıllı hökumət həlləri və dövlət xidmətlərində innovasiyaların tətbiqinə dair Azərbaycan təcrübəsi barədə iştirakçıları məlumatlandırıb. Uğurlu təcrübələrin müzakirəsi zamanı Dövlət İdarəçiliyi üzrə Şərq Regional Təşkilatının baş katibi Aleks Brilantes “ASAN xidmət” təcrübəsinin qlobal əhəmiyyətini vurğulayıb və dövlət rəsmilərini müvafiq təcrübə ilə tanışlığa dəvət edib.

500-dən çox nümayəndənin iştirakı ilə onlayn formada keçirilən tədbirdə innovativliyin təşviqi məqsədilə rəqəmsal texnologiyalardan istifadə, bilik və texnologiyaların transferi barədə də müzakirələr aparılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video