25 Aprel 2024 14:48
361
İQTİSADİYYAT
A- A+

“Azərkosmos”un rəhbəri beynəlxalq konfrans iştirakçılarını ölkənin kosmik sahədə prioritetləri haqqında məlumatlandırıb  

 

Ankarada üç günlük Beynəlxalq Kosmik Texnologiyaları Konfransına (STC) start verilib.

AZƏRTAC xəbər verir ki, Türkiyə Kosmik Agentliyinin (TUA) təşkilati dəstəyi ilə keçirilən tədbirdə Azərbaycanı Azərbaycan Kosmik Agentliyinin (“Azərkosmos”) nümayəndə heyəti təmsil edir.

Mərkəzi Asiya regionunda kosmik ekosistemlərinin inkişafı mövzusundakı panel iclasda “Azərkosmos”un idarə heyətinin sədri Saməddin Əsədov çıxış edib. O, tədbir iştirakçılarının diqqətini Azərbaycanın kosmik sahəsinin yaxın illərdəki strateji prioritetlərinə, beynəlxalq əməkdaşlıq planlarına, iqlim dəyişməsinin mənfi nəticələrinin aradan qaldırılması üzrə səylərə cəlb edib.

“Azərkosmos”un rəhbəri “Azerspace-1” telekommunikasiya peyki layihəsi, “yaşıl” iqtisadiyyatın inkişafı sahəsində Azərbaycan hökumətinin planları barədə bəhs edib. O, Bakıda BMT-nin İqlim dəyişməsi haqqında Çərçivə Konvensiyasının Tərəflər Konfransının 29-cu sessiyasının (COP29) keçirilməsinin əhəmiyyətini vurğulayaraq, tədbir iştirakçılarını sessiyada iştirak etməyə çağırıb.

Konfransda Azərbaycanın nailiyyətlərindən bəhs edən videoçarx nümayiş olunub.

STC Avrasiya regionunda dialoq və kosmik sahənin inkişaf perspektivlərinin müzakirə edilməsi, eləcə də bu sektorda uzunmüddətli tərəfdaşlığın qurulması üçün tanınmış qlobal platformadır. Tədbir çərçivəsində bu sahədə yeni peyk texnologiyaları, təhlükəsizlik, maliyyələşdirmə və tənzimləmə üzrə fikir mübadiləsi aparılır.

Konfransın sponsorları dünya kosmik texnologiyaları sənayesinin liderləridir.

Tədbirdə çoxsaylı panel müzakirələr və dəyirmi masalar, kosmik sənayesi obyektlərinin ziyarəti planlaşdırılıb.

Ötən il Özbəkistanda keçirilən STC 2023 konfransında dünyanın 28 ölkəsinin nümayəndələri spiker qismində çıxış ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video