“Azercell Telekom” MMC tərəfindən təqdim olunan xidmətlərin keyfiyyətinin daha da yüksəldilməsi, müştərilərə təklif olunan xidmət və tariflərin optimallaşdırılması, abunəçilərə daha rahat istifadə imkanının təmin edilməsi məqsədi ilə 1 oktyabr 2024-cü il tarixindən etibarən aşağıdakı dəyişikliklər tətbiq ediləcək:
1.    Fakturasız (SimSim) və fakturalı xətt sisteminin abunəçilərinə “Premium 50GB”, “Premium 75GB” və “Premium 100GB” tarif paketlərində daha əlverişli istifadə şərtləri təqdim edilməyə başlanır. Belə ki, “Premium” tarif paketləri çərçivəsində təqdim edilən şəbəkədaxili və şəbəkəxarici dəqiqələrin əvəzinə ümumi ölkədaxili danışıq dəqiqələri təqdim edilməklə daha rahat və əlverişli istifadə imkanı yaradılır. Bu da abunəçilərə həm bütün istiqamətlərdə daha rahat danışmaq, həm də nömrənin balansını daha rahat nəzarətdə saxlamaq imkanı verəcək. 
 

2.    Fakturasız (SimSim) və fakturalı xətt sisteminə aid nömrələr üçün nəzərdə tutulmuş tariflər çərçivəsində hər hansı həcmli internet paketi olmadan internetdən istifadə üçün hesablama intervalı 512 KB olaraq tətbiq ediləcək. Eyni zamanda fakturasız (SimSim) və fakturalı xətt sisteminə aid “SuperSən”, “GəncOL”, “Sadə”, “İstəSən”, “Premium”, “Turist” və “Yeni hər yerə” tarif paketləri çərçivəsində təqdim edilən internet həcmi bitdikdən sonrakı əlavə internet istifadə üçün hesablama intervalı 512 KB olaraq tətbiq ediləcək.
Qeyd: Abunəçilər göstərilən dəyişikliklər, tarif və internet paketlərinin şərtləri, sifarişi, başqası ilə əvəzetmə və imtina qaydası barədə, o cümlədən “Azercell Telekom” MMC tərəfindən təqdim edilən xidmətlər, tariflər və keçirilən kampaniyalar barədə ətraflı məlumatları rəsmi internet səhifəmizdən (www.azercell.com), həmçinin Müştəri Xidmətlərinə (MX ofisləri, həftənin 7 günü 24 saat ərzində fəaliyyət göstərən Telefon Mərkəzi) müraciət etməklə əldə etmək imkanına malikdirlər.