19 Aprel 2024 19:27
336
İQTİSADİYYAT
A- A+

Azərbaycan və Qazaxıstan Xəzər dənizinin dibi ilə fiber-optik rabitə xəttinin çəkilməsini müzakirə edib

 

Qazaxıstanın Azərbaycandakı səfiri Alim Bayel Azərbaycan İnvestisiya Holdinqinin baş icraçı direktoru Ruslan Əlixanovla görüşüb.

AZƏRTAC səfirliyin saytına istinadla xəbər verir ki, görüş zamanı iki ölkənin investisiya əməkdaşlığının genişləndirilməsi perspektivləri müzakirə olunub. Tərəflər, xüsusilə Prezident Kasımjomart Tokayevin 11-12 mart tarixlərində Azərbaycana dövlət səfəri çərçivəsində imzalanan “Samruk-Kazına” SC ilə Azərbaycan İnvestisiya Fondu arasında strateji tərəfdaşlıq haqqında Sazişinin həyata keçirilməsi ilə bağlı fikir mübadiləsi aparıblar.

Səfir A. Bayel birgə investisiya fondunun yaradılmasının ikitərəfli iqtisadi əməkdaşlığın dərinləşdirilməsində mühüm addım olacağını və qardaş ölkələrin regionda maraqlarını əlaqəli şəkildə təşviq etməyə imkan yaradacağını vurğulayıb. Yaradılmaqda olan Qazaxıstan-Azərbaycan Fondu həm iki ölkənin ərazisində, həm də üçüncü ölkələrdə iqtisadiyyatın müxtəlif sektorlarda maraqlı investisiya layihələrinin həyata keçirilməsi üçün əlavə imkanlar yaradacaq.

Bu kontekstdə, tərəflər həm iki ölkə, həm də bütün region üçün böyük geoiqtisadi əhəmiyyətə malik və artıq reallaşdırılmaqda olan layihələri yüksək dəyərləndiriblər. Xüsusi diqqət Transxəzər Beynəlxalq Nəqliyyat Marşrutunun (TBNM) birgə inkişafına, Qazaxıstan enerji daşıyıcıların Azərbaycan ərazisi üzərindən tranzitinə, Xəzər dənizinin dibi ilə fiber-optik rabitə xəttinin (FORX) çəkilməsinə, habelə Xəzərin dibi ilə dərin dəniz elektrik kabelinin çəkilməsi ilə bağlı əldə olunmuş razılaşmalara yetirilib.

Həmsöhbətlər həmçinin investisiya fondunun iştirak edəcəyi yeni təşəbbüsləri müzakirə ediblər. Qeyd etmək lazımdır ki, fond “Astana” Beynəlxalq Maliyyə Mərkəzi (ABMM) bazasında qeydiyyata alınacaq və ən yazın zamanda fəaliyyətə başlayacaq. Fondun ilkin həcmi 300 milyon dollar təşkil edəcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video