Bu gün “Avro-2024”ün seçmə mərhələsində X turun növbəti oyunları keçiriləcək.
AZƏRTAC xəbər verir ki, bununla da daha üç ölkə qitə çempionatının final mərhələsinə vəsiqə qazanacaq.
C qrupunda Ukrayna millisi İtaliyanı qonaq edəcək. Avropa çempionatına yollanmaq üçün italiyalıları heç-heçə də qane edəcək. Ukraynalılar isə final mərhələsinə çıxmaq üçün mütləq qalib gəlməlidirlər.
E qrupunda isə Çexiya – Moldova görüşü prinsipial xarakter daşıyır. Qonaqlar qitə birinciliyində iştirak etmək üçün səfərdə qələbə qazanmalıdırlar.
H qrupunun əsas oyunu isə Sloveniya və Qazaxıstan yığmaları arasında olacaq. Bu qarşılaşmada meydan sahiblərinə heç-heçə də kifayət edəcək. Qazaxıstan seçməsi isə qrup ikincisi olmaq üçün rəqibini məğlub etməlidir. Bu matçın nəticəsi Azərbaycan millisini də yaxından maraqlandırır. Qazaxıstan yığması seçmə mərhələdən Avropa çempionatına vəsiqə qazansa, Azərbaycan UEFA Millətlər Liqasında pley-off oynamaq hüququ əldə edəcək.
“Avro-2024”, seçmə mərhələ
X tur
20 noyabr
C qrupu
23:45. Şimali Makedoniya – İngiltərə
23:45. Ukrayna – İtaliya
Xal durumu: İngiltərə - 19, İtaliya – 13, Ukrayna – 13, Şimali Makedoniya – 7, Malta – 0.
E qrupu
23:45. Albaniya – Farer adaları
23:45. Çexiya – Moldova
Xal durumu: Albaniya – 14, Çexiya – 12, Polşa – 11, Moldova – 10, Farer adaları – 1.
H qrupu
23:45. Şimali İrlandiya – Danimarka
23:45. San Marino – Finlandiya
23:45. Sloveniya – Qazaxıstan
Xal durumu: Danimarka – 22, Sloveniya – 19, Qazaxıstan – 18, Finlandiya – 15, Şimali İrlandiya – 6, San Marino - 0.
jpg_1765911397.jpg)
