24 Yanvar 2023 12:13
432
DÜNYA
A- A+

Ankara İsveçin NATO-ya üzvlüklə bağlı mövqeyini dəyişməyəcək  

 

Türkiyə hakimiyyəti bu ilin mayında keçiriləcək prezident seçkilərinə qədər İsveçin NATO üzvlüyü barədə mövqeyini dəyişməyəcək.

AZƏRTAC xəbər verir ki, “Hürriyet” qəzetinin yazdığına görə, yanvarın 21-də Türkiyənin Stokholmdakı səfirliyi önündə Quranın yandırılması ilə bağlı qalmaqal fonunda İsveç NATO-ya daxil olmaq məsələsində ABŞ-ın və alyansın digər üzvlərinin dəstəyinə ümid etməməlidir. NATO-ya üzvlüklə bağlı müraciətin Türkiyə parlamenti tərəfindən dəstəklənməsi İsveçin terrorla mübarizə və ikitərəfli münasibətlərin normallaşdırılması barədə Ankara ilə imzaladığı memorandumun yerinə yetirilməsindən asılıdır, lakin seçkilərədək müsbət addımın atılması gözlənilmir.

Prezident Rəcəb Tayyib Ərdoğan Stokholm şəhərində Türkiyə əleyhinə aksiyalardan sonra İsveçin NATO-ya üzvlük məsələsində Ankaranın dəstəyinə ümid etməməli olduğunu bildirib. Türkiyənin xarici işlər naziri Mövlud Çavuşoğlu və müdafiə naziri Hülusi Akar da analoji bəyanatlar səsləndiriblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video