18 May 2024 11:59
283
İQTİSADİYYAT
A- A+

Agentlik sədri: Proqramlaşdırma müsabiqələrinin rolu ölkənin rəqəmsallaşmasında vacibdir  

 

Bu gün İnnovasiya və Rəqəmsal İnkişaf Agentliyinin təşkilatçılığı ilə “Tələbələrin Beynəlxalq Proqramlaşdırma” müsabiqəsinin (ICPC) 20 illiyinə həsr olunmuş simpozium keçirilir.

AZƏRTAC xəbər verir ki, ADA Universitetində keçirilən tədbirdə universitet rektorları, dövlət qurumlarının nümayəndələri, olimpiada iştirakçıları, ICPC-nin keçmiş finalçıları və fərqli ölkələrdə yaşayan İKT üzrə yerli ekspertlər iştirak edirlər.

Simpoziumda çıxış edən İRİA-nın sədri İnarə Vəliyeva proqramlaşdırma müsabiqələrinin rolunun ölkənin rəqəmsallaşmasında vacib olduğunu qeyd edib.

“Bir müddət öncə beynəlxalq olimpiadalara hazırlıq üçün xüsusi proqrama start vermişik. Əsas məqsədimiz perspektivli şagird və tələbələri təlimlərə cəlb edərək olimpiadalarda yüksək nəticə əldə etmələrinə dəstək olmaq, bununla da ölkədə peşəkar İKT mütəxəssislərinin sayını artırmaqdır. “ICPC Azərbaycan” çərçivəsində mövcud tədbirləri dəstəkləmək, o cümlədən gənc nəslin texnologiyanın öyrənilməsinə, istifadəsinə və inkişafına cəlb olunmasına kömək edəcək yeni müsabiqələr və təlimlər təşkil etmək də üzərində çalışdığımız çox önəmli və məsuliyyətli işlərdəndir”, - deyə agentlik sədri vurğulayıb.

“Tələbələrin Beynəlxalq Proqramlaşdırma” müsabiqəsinin (ICPC) regional meneceri Etibar İsmayılzadə yerli universitetlərin beynəlxalq müsabiqələrdə göstərdiyi yüksək nəticələrdən danışıb. O bildirib ki, hazırda Azərbaycanın daxil olduğu regional qrup dünyada aparıcı yer tutur.

Tədbirin davamında proqramlaşdırma olimpiadalarının rolu barədə panel sessiyaları həyata keçirilir.

Qeyd edək ki, tədbir “Technest” təqaüd proqramının “Proqramlaşdırma üzrə beynəlxalq olimpiadalara hazırlıq sisteminin yaradılması” layihəsi çərçivəsində həyata keçirilir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video