Adını qəhrəmanlıq salnaməmizə yazan kapitan
Cavid dünyaya gələndə hələ Xocalı faciəsi baş verməmişdi... Onda ermənilər Qarabağ savaşına "hazırlaşırdılar". Anası dünyaya yenicə gəlmiş körpəsinin beşiyinin başında lay-lay deyərkən Cavidə "qoçaq balam", "igid balam", "qəhrəman balam", - deyə xitab edər, atası Cavidi qucağına alıb sinəsinə sıxanda "Fəxrim, vüqarım, qürurum, Cavidim. Sən böyüyüb bizi bütün Azərbaycana tanıdacaqsan", - deyərmiş.
Cavidin iki yaşı olanda Ermənistan silahlı qüvvələri əsrin faciəsini - Xocalı soyqırımını törətdilər... Şuşa, Laçın işğal olundu... Ard-arda baş verən dəhşətli hadisələr Vətənimizə, xalqımıza ağır, faciəli günlər yaşatdı...
Ağlı söz kəsəndən Cavid evdə valideynlərindən, məktəbdə müəllimlərindən ermənilərin xalqımızın başına gətirdiyi dəhşətli, qorxulu faciələr haqqında hekayələr eşitdi... Dinlədiyi dəhşətli söhbətləri eşitdikcə yumruğunu bərk-bərk düyünlədi. Cavid böyüdükcə içindəki, qəzəb hissi qisas hissinə çevrilirdi. Uşaqkən eşitdiyi qorxulu nağıla bənzər söhbətlər böyüdükcə onun həyat yoluna çığır açırdı. Hərbçi olmaq, zabit olmaq, düşmənə etdiyi haqsızlıqların cavabını vermək hissi də beləcə aşılanmışdı ona...
Haqqında söz açdığımız şəhid kapitan Cavid Mahmudov 1989-cu il fevralın 6-da Biləsuvar rayonunun Aşağı Cürəli kəndində anadan olub. 2006-2010-cu illərdə Heydər Əliyev adına Azərbaycan Ali Hərbi Məktəbində ali hərbi təhsil alıb. 2010-cu ildə ali hərbi məktəbi bitirən Cavid Mahmudov Azərbaycan Silahlı Qüvvələrinin Daşkəsən rayonunda yerləşən "N" saylı hərbi hissəsində leytenant rütbəsində bölük komandiri kimi xidmətə başlayıb. 2012-2018-ci illərdə Tovuz rayonunda, 2018-2020-ci illərdə Azərbaycan Silahlı Qüvvələrinin Göygöl rayonunda yerləşən "N" saylı hərbi hissəsində xidmət edib. 2020-ci ildən isə o, Azərbaycan Silahlı Qüvvələrinin Abşeron rayonunda yerləşən "N" saylı hərbi hissəsində xidmətini davam etdirib.
Hərbi biliklərə yüksək səviyyədə yiyələnən, nizam-intizamlı zabit kimi komandanlığın hörmətini qazanan, verilən hərbi tapşırıqları layiqincə yerinə yetirən Cavid Mahmudovun xitməti komandanlıq tərəfindən qiymətləndirilərək hərbi rütbələri həmişə ona vaxtından əvvəl verilib.
Vətən müharibəsi başlayanda Cavid hərbi məktəbin magistr pilləsini də başa vurmuşdu. Nişanlı idi... Ürəyində böyük arzuları var idi. Ən böyük istəyi isə vətəni azad görmək idi. Şərəfli bir zabit kimi torpaqlarımızın azadlığı uğrunda döyüşmək, Azərbaycan bayrağını işğaldan azad olunmuş ərazilərimizdə ucaltmaq idi...
Vətən müharibəsinin ilk günündən kapitan Cavid Mahmudovun komandiri olduğu həmlə taboru Füzulinin Əhmədbəyli kəndi istiqamətində əks-hücum əməliyyatlarına başlayıb. Kapitan Cavid Mahmudovun komandiri olduğu taborun şəxsi heyəti düşmənin Füzuli rayonu istiqamətində alınmaz hesab etdiyi yüksəkliklərdə bayrağımızı dalğalandırıb. Cavid Füzuli rayonunda 5-ci yüksəkliyə bayrağımızı sancarkən, düşmən snayperi tərəfindən vurulub.
Qardaşı Nəbi Mahmudov Cavidlə son telefon danışığını xatırlayaraq deyir: "Oktyabrın 2-də Cavid mənə zəng vurmuşdu. Dedi ki, "Qardaş, mən bura düşmənlə döyüşməyə gəlmişəm. Sənə söz verirəm ki, Füzuli rayonunun mərkəzinə bayrağı özüm sancacam". Qardaşım şəhid olandan sonra Füzulidə oldum. Onun keçdiyi istehkamları görəndə qardaşımla bir daha fəxr etdim".
Cavid Mahmudovun Vətən müharibəsində göstərdiyi qəhrəmanlıq yüksək qiymətləndirilərək Azərbaycan Prezidenti İlham Əliyevin sərəncamı ilə ölümündən sonra "Vətən Müharibəsi Qəhrəmanı" adına layiq görülüb. Şəhid kapitan Cavid Hilal oğlu Mahmudov eyni zamanda "Vətən uğrunda" və "Cəbrayılın azad olunmasına görə" medalları ilə də təltif olunub.
Elşən QƏNİYEV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Turizmin əhəmiyyəti
27 Iyul
Qəbələdə turizm infrastrukturu genişlənir
27 Iyul
Azərbaycan qazının Türkiyəyə tədarükü avqust ayında müvəqqəti dayandırılacaq
27 Iyul
Səfir: Azərbaycanla Niderland su problemlərinin idarə edilməsi mövzusunda bənzər sistemlərə malikdir...
27 Iyul
BMT nümayəndəsi: Azərbaycan beynəlxalq səviyyədə Vahid Sağlamlıq yanaşmasının tətbiqi sahəsində gücl...
27 Iyul
Sülh sazişini imzalamağın vaxtı çatıb
27 Iyul
Azərbaycan Respublikası Maliyyə Monitorinqi Xidmətinin informasiya sisteminə inteqrasiya edilən info...
27 Iyul
Bərpaolunan enerji mənbələrindən istifadə sahəsində layihələrin həyata keçirilməsinə dair Komissiyan...
27 Iyul
Ertuğruloğlu: Azərbaycan, Türkiyə və ŞKTC bir-birilərini dəstəkləməli, ümumi maraqları müdafiə etməl...
27 Iyul
"Azərbaycan Respublikası Hökuməti il ə Türkiyə Respublikası Hökuməti arasında miqrasiya sahəsində əm...
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!