18 May 2024 12:04
344
İQTİSADİYYAT
A- A+

46-cı ICPC dünya finalı iştitakçıları olan ADA komandasının mükafatlandırılması keçirilib  

 

Bu gün ADA Universitetində keçirilən “Tələbələrin Beynəlxalq Proqramlaşdırma” müsabiqəsinin 20 illiyinə həsr olunmuş simpoziumu çərçivəsində 46-cı ICPC dünya finalı iştitakçıları olan ADA komandasının mükafatlandırılma mərasimi keçirilib.

AZƏRTAC xəbər verir ki, “ICPC Azərbaycan - 20 il” simpoziumu çərçivəsində öncə “ICPC hərəkatı və onun İT sənayəsinə, ölkənin rəqəmsallaşmasına təsiri” mövzusunda panel keçirilib.

Panelin moderatoru Azərbaycan Mərkəzi Bankının müşaviri Vüsal Xəlilov, Qazaxstanın “mFactorial School” təsisçisi və baş direktoru Arman Suleimenov, “Alem School”un təsisçisi və baş direktoru Danabek Kaliazhdarov, “Harbour Space University”nin Baş direktorunun müavini Alexey Alexeyev, Beynəlxalq İnformatika Olimpiadası - IOI beynəlxalq komitənin üzvü Araz Yusubov və “Constructor University”nin nümayəndəsi Olga Kornienko Azətbaycanda son illərdə həyata keçirilən rəqəmsallaşma, tələbələrin ümumilikdə gənclərin proqlamlaşdırma və İT sahəsinə marağının artırılması istiqamətində müzakirələr aparıblar. İllər öncə Bakıda məhz ADA Universitetində tələbəlik illərini xatırlayan Danabek Kaliazhdarov ölkəmizdə gənclərin idmana və təhsilə daim təşviq olunmasını yüksək qiymətləndirib.

Araz Yusubov Azərbaycanda təhsil və İT sahəsində müxtəlif müsabiqələrin, yarışların və olimpiadaların keçirilməsinin zəruriliyini vurğulayıb, bu istiqamətdə həyata keçirilən hər bir tədbirin ölkəmizi təmsil edən tələbələrin beynəlxalq tədbirlərdə birinci olmaq şansının artmasına səbəb olduğunu qeyd edib.

Panel iştirakçıları İT sahəsində qızların sayının artması istiqamətində də fikir mübadiləsi aparıblar.

Sonra “ICPC Azərbaycan” çərçivəsində 5 ildən çox aktiv fəaliyyət göstərən komanda məşqçilərinin mükafatlandırılması baş tutub.

Həmçinin “ICPC Azərbaycan” təşkilat komitəsi üzvlərinin ölkədə ICPC hərəkatının inkişafında xüsusi xidmətlərinə görə mükafatlandırılması keçirilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video