Rövzət Qasımov: Xeyli sayda müşahidəçinin seçki prosesində iştirakı şəffaflıq baxımından əhəmiyyətlidir
Mərkəzi Seçki Komissiyası (MSK) sədrinin müavini Rövzət Qasımov parlament seçkiləri ilə bağlı AZƏRTAC-a müsahibə verib.
Müsahibəni təqdim edirik.
-Rövzət müəllim, zəhmət olmasa, parlament seçkilərinin gedişi ilə bağlı fikirlərinizi bizimlə bölüşərdiniz.
- Səsvermə 19:00-dan etibarən başa çatıb, aşağı seçki komissiyaları səslərin sayılması və nəticələrin müəyyənləşdirilməsi istiqamətində olan prosedurları icra edirlər. Bu proseslər isə uğurla davam edir. Seçkilər bizim üçün xüsusi önəm daşıyır. Biz media qarşısında da qürur hissi ilə səsləndiririk ki, bu, Azərbaycanın bütün suveren ərazisində keçirilən ilk parlament seçkiləridir. 2024-cü il fevralın 7-də keçirilən prezident seçkilərində olduğu kimi, bu seçkilərdə də işğaldan azad edilmiş ərazilər daxil olmaqla, bütün respublikada səsvermə məntəqələri təşkil etdik və seçicilərimiz öz konstitusion hüquqlarından yararlandılar, öz namizədlərinə səs verdilər.
Bu seçkilərə rekord sayda müşahidəçi qatıldı. Burada siyasi partiyalar, QHT-lər əvvəlki seçkilərdən kifayət qədər daha çox müşahidəçi ilə təmsil olundular. Bu da siyasi partiyaların gələcəkdə keçiriləcək seçkilərə yönəlmiş strategiyası idi. Seçkilər barədə onu da demək olar ki, siyasi partiyaların hətta öz namizədləri olmayan dairələrdə belə müşahidəçiləri var idi. Bu da ondan xəbər verir ki, onlar gələcək planlarını qurmaq istiqamətində öz siyasi strategiyalarını hazırlayırlar.
Respublika üzrə səsvermənin gedişini müşahidə etmək hüququ statusu qazanmış şəxslərin sayı 112 min 749 nəfərdir. Xeyli sayda müşahidəçi qrupunun seçki prosesində iştirakı şəffaflıq baxımından da əhəmiyyətlidir.
Seçki çox sakit atmosferdə keçdi. Lakin bəzi dairələrdə çox ciddi və gərgin emosional vəziyyətin şahidi olduq. Bu emosional hallar bəzən o həddə çatırdı ki, bəzi namizədlər prosesin gedişində seçicilərə belə müəyyən xoşagəlməz davranışlar nümayiş etdirirdilər.
Az sayda dairədən MSK-nın “qaynar xətt”inə də zəng edib namizədlərin onları incitdiklərini və ya hansısa xoşagəlməz davranışlar sərgilədiklərini bildirdilər. Eyni zamanda, bəzi məntəqələrdə gərginlik səbəbindən tərəfləri təmsil edən müşahidəçilər arasında münaqişənin şahidi olduq.
Bu, ümumilikdə yaxşı hal deyil. Amma bütün ölkələrdə seçki təcrübəsi göstərir ki, səsvermə gününün ən xüsusi məqamlarından biri emosiyaların həddində artıq gərilməsidir. Biz isə növbəti seçkilərdə bütün seçicilərə tövsiyə edirik ki, emosiyaları nə qədər gərginləşsə də, öz kübarlıqlarından, alicənablıqlarından vaz keçməsinlər. Ümid edirik ki, gələcəkdə belə hallar baş verməyəcək. Ona görə də istər siyasi partiyalar, istərsə də namizədlər bu cür halların baş verməməsi üçün öz müşahidəçilərini təlimatlandırmalıdırlar.
- İşğaldan azad olunmuş ərazilərdə keçirilən seçki prosesi barədə fikirlərinizi bilmək maraqlı olardı.
- İşğaldan azad olunmuş ərazilərdəki seçici fəallığı kifayət qədər diqqətçəkən səviyyədə idi və bu, bizi çox qürurlandırdı. Həmin məntəqələrdə istər sosial şəbəkələrdə, istərsə də ictimaiyyətə çatdırılan görüntülərdə cüzi də olsa, hansısa xoşagəlməz hallara rast gəlmədik. Məmnunluqla qeyd etmək istəyirəm ki, işğaldan azad olunmuş ərazilərdəki məntəqə seçki komissiyaları öz işlərinin öhdəsindən kifayət qədər peşəkarlıqla gəldilər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ölkəmizdəki növbədənkənar parlament seçkiləri beynəlxalq mətbuatın diqqət mərkəzində olub ...
02 Sentyabr
Rövzət Qasımov: Xeyli sayda müşahidəçinin seçki prosesində iştirakı şəffaflıq baxımından əhəmiyyətli...
01 Sentyabr
Rusiya mətbuatı Azərbaycanda keçirilən Milli Məclisə seçkilərdən yazır
01 Sentyabr
Azərbaycanda keçirilən parlament seçkiləri Türkiyə mediasında geniş işıqlandırılıb
01 Sentyabr
Ukraynada helikopter qəzaya uğrayıb, ölənlər var
01 Sentyabr
Serbiyalı müşahidəçi: Seçkinin nəticələri Azərbaycanda demokratik dəyərlərə verilən qiyməti göstərir...
01 Sentyabr
Papa Fransisk Yaxın Şərqdə sülhün zəruriliyini bildirib
01 Sentyabr
Rumıniyalı müşahidəçi: Media nümayəndələri heç bir maneə olmadan prosesi izləyə bilirdilər...
01 Sentyabr
“COP29 və yaşıl üfüqlər: iqlim dəyişikliyinin idarə edilməsi” mövzusunda panel keçirilib...
01 Sentyabr
Deputat mandatı uğrunda mübarizə aparan kişi və qadın namizədlərin sayı açıqlanıb
01 Sentyabr
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
Strateji tərəfdaşlıq güclənir, qlobal nüfuz artır 28 Avqust 2024
![](/uploads/img/posts/2024/08/28/manset Копированиеjpg-1724791281.jpg)
Mehriban Əliyeva - Azərbaycan humanizminin simvolu26 Avqust 2024
![](/uploads/img/posts/2024/08/26/17246441985346750166_1200x630jpg-1724646204.jpg)
"Gəl sənə Laçınımı göstərim..."25 Avqust 2024
![](/uploads/img/posts/2024/08/25/16930664043345830467jpg-1724536246.jpg)
"Mehriban xanım ürəyimizdə elə bir saray qurub ki..."24 Avqust 2024
![](/uploads/img/posts/2024/08/24/16930632301761151988jpg-1724463695.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!