Yer kürəsi Tanrının insana əmanətidir
Yer kürəsi ekoloji böhran qarşısındadır. İnsan dünyanı acınacaqlı hala salmışdır. Atmosferə atılan zəhərli qazlar o qədər çoxalmışdır ki, sözün həqiqi mənasında planetimiz istidən boğulur. Dünyamızın bir tərəfində yağıntılar şəhər və kəndləri, meşə və tarlaları altına alır, o biri başında quraqlıq hökm sürür, torpaq cadar-cadar olur.
Müxtəlif millətlərə, irqlərə, dinlərə mənsub olmağımıza baxmayaraq, sayımız 8 milyarda çatmış biz insanlar Yer adlı unikal bir planetdə yaşayırıq və belə demək mümkünsə, hamımız onun övladlarıyıq, köçüb getməyə heç bir ayrı məkanımız yoxdur. Eyni Günəşdən isinirik, eyni havadan nəfəs alırıq. Bəs buna görə böyük Yaradana şükranlıq edirikmi, "həmd olsun varlığına, böyüklüyünə" deyirikmi? Axı insan yaranmışların ən alisidir. Öz zehni, düşüncəsi, əməlləri ilə təbiətin yaratdığı özəlliklərə yeni rəng qatan odur. Yüz illər, min illər bizdən əvvəl tikilən, ucaldılan möhtəşəm saraylara, tarixi abidələrə, qalalara baxanda heyrətlənməyə bilmirsən. Onların isə hamısını yaradan insandır. Elmin inkişafı ilə qazanılan nailiyyətlər, edilən kəşflər də insan zəkasının məhsuludur.
Amma nə edəsən ki, bu nailiyyətlər və kəşflər bəzən bəşəriyyətə, daha doğrusu, özümüzə qarşı çevrilir. Atom enerjisini bombaya çevirib dünyaya meydan oxuyan insan deyilmi?! Bəli, dünyamızın problemləri çoxdur və onlardan biri, daha doğrusu, birincisi iqlim anomaliyalarıdır. Bu problemlə COP, yəni BMT-nin İqlim Dəyişmələri Konfransı məşğul olur. İlk belə konfrans 1995-ci ildə Berlində keçirilmişdir. Ötən il Dubayda təşkil olunan COP28-də qeyri-rəsmi məlumata görə, 70-80 min qonaq iştirak etmişdir. Azərbaycanda keçiriləcək COP29-da isə 199 ölkədən nümayəndələrin iştirak edəcəyi gözlənilir.
Beynəlxalq tədbirlərə evsahibliyi etməkdə yaxşı təcrübəsi və dünyanın taleyüklü məsələlərinin həllində töhfələri olan ölkəmizə belə bir tədbirin etibar olunması təbiidir. Bu, Azərbaycanın haqqıdır. 2024-cü il ölkəmizdə "Yaşıl dünya naminə həmrəylik ili" elan olunmuş, Qarabağ "yaşıl zona" elan edilmişdir. 1990-cı illə müqayisədə 2030-cu ilə qədər istilikxana qazlarının miqdarı Azərbaycanda 35 faiz azalacaq və işğaldan azad olunmuş ərazilər 2050-ci ilədək "Netto sıfır enerji" zonasına çeviriləcək.
Ümumiyyətlə, Azərbaycanda ekologiya həmişə diqqət mərkəzində saxlanılmışdır. Hələ Ulu Öndər Heydər Əliyev tərəfindən bu sahədə böyük işlər görülmüşdür. Milli parklar yaradılmış, flora və faunanın qorunması üçün ardıcıl olaraq tədbirlər həyata keçirilmişdir. Həmin işlər bu gün Prezident İlham Əliyev tərəfindən uğurla davam etdirilir. Biz bunu gündəlik həyatımızda görürük. Təkcə paytaxtımızı götürək. Qara Şəhərin Ağ Şəhərə çevrilməsi, demək olar, hər ay şəhərdə yeni parkın salınması şahidi olduğumuz ekoloji tədbirlərin qısa siyahısıdır.
COP29-da bəşəriyyəti rahatsız edən ekoloji problemləri dövlət və hökumət başçıları, ekoloqlar, fikir sahibləri, alimlər, siyasətçilər müzakirə edəcək və inanırıq ki, çözəcəklər də. Çünki sonsuz kainatda Yeri Allah-taala tək, tayı-bərabəri olmayan kimi yaradıb və onu insana etibar edib. Amma insan bu etibarın fəlsəfəsini dərk etmir, sözün birbaşa mənasında odla oynayır. Ən böyük fəlakət olan müharibələri nəzərdə tuturuq. Bir anın içində təbiəti külə çevirən, qocaya, cavana, qadına, uşağa fərq qoymadan insanları məhv edən müharibəni... Deyirlər, 6 hidrogen bombası Yer kürəsini orbitindən çıxarmağa bəs edir. Dünyada isə belə bombanın sayı yüzlərlədir. Kim zəmanət verə bilər ki, bir gün ondan istifadə olunmayacaq. Allah bizə əmanət olan Yer kürəsini o gündən qorusun!
Seyran CAVADOV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan-Rusiya müttəfiqliyi daha da möhkəmlənir
22 Avqust
Qarşılıqlı etimad və bərabərhüquqlu tərəfdaşlıq
22 Avqust
Mehriban Əliyevanın təşəbbüsü ilə...
22 Avqust
Azərbaycan naminə missiya
22 Avqust
Zəfər zirvəsində zəfər seçkisi
22 Avqust
Övladlarımız niyə aqressivdir?
22 Avqust
Çexiyada İkinci Dünya müharibəsindən qalan bombaya görə 600 sakin təxliyə edilib
21 Avqust
Azərbaycanın güləş millisi dünya üçüncüsü olub
21 Avqust
Hindistanda əczaçılıq zavodunda partlayış olub, 14 nəfər ölüb
21 Avqust
KİV: Rəisinin helikopterinin qəzaya uğraması bədbəxt hadisə hesab edilib
21 Avqust
DİQQƏT ÇƏKƏNLƏR
Xalqa xidmət, dövlətə sədaqət missiyası21 Avqust 2024
![](/uploads/img/posts/2024/08/21/1598418006438297569_1000x669 Копированиеjpg-1724190484.jpg)
Prezident İlham Əliyev və Prezident Vladimir Putin mətbuata bəyanatlarla çıxış ediblər YENİLƏNİB-2...19 Avqust 2024
![](/uploads/img/posts/2024/08/19/17240716703625121187_1200x630jpg-1724084900.jpg)
Azərbaycan-Rusiya: çoxəsrlik tarixə malik iqtisadi əlaqələrin yeni istiqamətləri18 Avqust 2024
![](/uploads/img/posts/2024/08/18/Untitled-1jpg-1723932959.jpg)
Azad Xocalıda zəfər seçkisi17 Avqust 2024
![](/uploads/img/posts/2024/08/17/Clip_22jpg-1723839632.jpg)
Davamlı zəfərlər ölkəmizin nüfuzunu yüksəldir 16 Avqust 2024
![](/uploads/img/posts/2024/08/16/Clipjpg-1723752104.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!