Xankəndidə seçki izdiham
Şəhərdəki seçici aktivliyi xarici müşahidəçilərdə də müsbət təəssürat yaratdı
Ötən ilin sentyabrında erməni separatizminin əsarətindən xilas edilən Xankəndi şəhərində də parlament seçkiləri uğurla keçirildi. Bu, müstəqilliyimiz dövründə birbaşa Xankəndidə təşkil edilən ikinci seçki idi. İlk seçki 2024-cü ilin fevralındakı növbədənkənar prezident seçkiləri olub.
Tariximizə Zəfər seçkisi kimi həkk olunan həmin seçkilərdə Prezident, Müzəffər Ali Baş Komandan İlham Əliyev, birinci xanım Mehriban Əliyeva və ailə üzvləri 122 saylı seçki dairəsinin Xankəndi şəhərindəki 14 saylı seçki məntəqəsində səs veriblər.
Biz də adıçəkilən seçki məntəqəsində səsvermə prosesini izlədik.
Səhər məntəqə açılandan Xankəndidə böyük izdiham vardı. Seçicilər yüksək fəallıqla seçki məntəqəsinə gələrək səsvermə prosesində iştirak edirdilər. İşğaldan azad olunmuş digər ərazilərdə yaradılan seçki məntəqələri kimi 14 saylı seçki məntəqəsində də qələbəlik hökm sürürdü.
Məntəqə seçki komissiyasının sədri İmran Mirzəyev bizimlə söhbətində bildirdi ki, artıq ikinci dəfədir seçki qüruru yaşayırlar. İlk dəfə bu məntəqədə suverenliyini tam təmin etmiş Azərbaycanda prezident seçkiləri keçirilib və dövlət başçımız bu məntəqədə səs verib. Bu gün isə Xocalıda yaşayan, işləyən, müxtəlif sahələrlə bağlı Xankəndiyə ezam olunan vətəndaşlar da səsvermə hüquqlarından yararlana bilirlər.
İmran Mirzəyev deyir ki, məntəqə üzrə 872 nəfər seçici var, onlardan 2 nəfəri ilk dəfə səsvermə prosesində iştirak edənlərdir.
Seçki prosesini izləyən müstəqil müşahidəçi Eldar Həsənov deyir ki, seçki tam şəffaf şəraitdə davam edir və indiyədək heç bir qanun pozuntusuna rast gəlməyib. Seçici fəallığı isə çox yüksək qiymətləndirilməlidir.
Xankəndi sakini Lamiyə Bayramova ikinci dəfədir ki, seçkilərdə iştirak edir. O, ilk dəfə fevralın 7-də prezident seçkilərində bu məntəqədə səs verib: "Keçən dəfə də, bu dəfə də seçkilərin çox yüksək səviyyədə təşkil edildiyini söyləyə bilərəm. Ötən dəfə özümüzə, Azərbaycanımıza lider seçdik, bu dəfə isə Xankəndini Milli Məclisdə layiqli şəkildə təmsil edə biləcəyinə inandığım namizədə səs verdim. Çox sevincliyəm. İllər sonra Xankəndidə, öz yurdumda səs verdiyim üçün özümü xoşbəxt hiss edirəm".
Xankəndi sakini Hökumə Abdullayeva da ikinci dəfə bu məntəqədə səs verən seçicilərdəndir: "Şükürlər olsun ki, bu xoşbəxtliyi yaşayırıq. Heç ağılmıza gəlməzdi ki, bir gün gəlib doğma yurdda səs verəcəyik. Tanrı Prezidentimizi qorusun. Bu məntəqədə yaradılan şərait çox yüksək səviyyədədir. Hamı rahatlıqla gəlib istədiyi namizədə səs verib gedir. İnşallah Prezidentimizin qayğısı ilə yenidən Xankəndidə xoşbəxt günlərimizi yaşayacağıq".
Məntəqədə müşahidə aparan Müstəqil Dövlətlər Birliyindən olan monitorinq missiyasının nümayəndəsi Maksim Leskovla söhbətləşirik. Diplomat deyir ki, burada insanlar seçki prosesində sanki bayrama, şənliyə gəldikləri kimi iştirak edirlər. Bu da onlarda müsbət təəssürat yaradır: "Seçicilər yüksək əhvali-ruhiyyədə, bayram tədbirinə gəldikləri kimi içəri daxil olub seçki bülletenlərini götürüb səs verirlər. Başa düşürük ki, bir müddət əvvəl elə bu ərazidə müharibə gedirdi və indi belə demokratik prosedurda iştirak edən insanları görmək çox vacibdir. Onların simasında xoşbəxtliyin izləri var sanki".
Yeni Azərbaycan Partiyasından olan müşahidəçi Kamil Quliyev deyir ki, seçkilər şəffaf və demokratik keçir, heç bir qanun pozuntusu yoxdur və vətəndaşlar sərbəst şəkildə öz konstitusion hüquqlarından yararlanırlar. Bu da onu göstərir ki, artıq Azərbaycanda demokratik seçki ənənəsi formalaşıb və bəzi dövlətlər üçün nümunə ola bilər.
14 saylı seçki məntəqəsinin qarşısında "Tərəqqi" Sosial Tədqiqatlar İctimai Birliyinin və SWG S.P.A tədqiqatlar şirkətinin (İtaliya) birgə təşkil etdiyi "Exit-poll"un nümayəndələri sorğu keçirirdilər. "Exit-poll" keçirən İlqar Quliyev deyir ki, seçicilər çox aktiv şəkildə anonim sorğuda iştirak edirlər. Hər beş nəfərdən bir seçiciyə yaxınlaşıb rəyini soruşuruq. Vətəndaşlar seçkidəki aktivliklərini "exit-poll"larda da göstərirlər.
Sonda qeyd edək ki, 122 saylı Xankəndi seçki dairəsi 15 məntəqəni əhatə edir. Məntəqələrdən 4-ü Bakıda, 1-i Sumqayıtdadır. Qalan 10 məntəqə isə digər rayon və şəhərlərdə yerləşir. Seçki dairəsinin Xankəndi şəhərində iki daimi və bir müvəqqəti məntəqəsi var. Dairə sırf Xankəndi şəhərini əhatə edir. Seçicilər həmin şəhərin sakinləridir. Dairə üzrə 80 yaşdan yuxarı seçicilərin sayı 140 nəfər, ilk dəfə səs verənlərin sayı isə 68 nəfərdir.
Rəşad BAXŞƏLİYEV,
"Azərbaycan"
Bakı-Xankəndi-Bakı
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Alimlər sudakı kimyəvi maddələri tez və ucuz şəkildə məhv edən üsul hazırlayıblar
08 Sentyabr
Onlar Lerikin fəxridirlər
08 Sentyabr
Qubanın kəndində yeni məktəb binasının açılışı olub
08 Sentyabr
Bir gündə 4 medal
08 Sentyabr
Ay Laçın, can Laçın...
08 Sentyabr
Azərbaycan mədəniyyəti və elminin tərəqqisində Naxçıvanın özünəməxsus rolu var
08 Sentyabr
İşğaldan azad edilmiş ərazilərdə güclü sənaye potensialı yaradılır
08 Sentyabr
"Ansaldo Energia" Azərbaycanın ən böyük istilik-elektrik stansiyasının tikintisində iştirak edir...
08 Sentyabr
Azərbaycan dünyada "təhlükəsizlik adası" adlandırılır
08 Sentyabr
Fransa Makrona qarşı ayağa qalxdı
08 Sentyabr
DİQQƏT ÇƏKƏNLƏR
İlham Əliyevin enerji gündəliyi05 Sentyabr 2024
![](/uploads/img/posts/2024/09/05/resadjpg-1725490951.jpg)
Əzəmətli, nəhəng və genişmiqyaslı quruculuq nümunəsi04 Sentyabr 2024
![](/uploads/img/posts/2024/09/04/172528695155939650jpg-1725398636.jpg)
Şuşada seçki bayram əhvalında keçdi 02 Sentyabr 2024
990 namizəd, 6 milyon 421 min 960 seçici, 6478 seçki məntəqəsi01 Sentyabr 2024
![](/uploads/img/posts/2024/09/01/manset Копированиеjpg-1725137279jpg-1725163943.jpg)
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
ÇOX OXUNANLAR
İstək və arzu başqadır, həqiqət və reallıq isə bambaşqa!05 Sentyabr 2024
![](/uploads/img/posts/2024/09/05/ilham eliyev azerbaycan qezetijpg-1725490836.jpg)
Riyakarlıq xəstəliyi04 Sentyabr 2024
![](/uploads/img/posts/2024/09/04/manset Копированиеjpg-1725398540.jpg)
Xankəndidə seçki izdiham02 Sentyabr 2024
Azad və demokratik ənənənin təntənəsi31 Avqust 2024
![](/uploads/img/posts/2024/08/31/1-22222jpg-1725049668.jpg)
İlham Əliyev "Azəri"ni Azərbaycanın sərvəti etdi30 Avqust 2024
![](/uploads/img/posts/2024/08/30/manset Копированиеjpg-1724969843.jpg)
Paytaxtın ən hündür yaşıl məkanı29 Avqust 2024
![](/uploads/img/posts/2024/08/29/8-1jpg-1724879756.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!