12 Oktyabr 2024 09:34
206
COP29
A- A+
Vaşinqtonda COP29 çərçivəsində yaşıl maliyyəyə həsr olunmuş konfrans keçirilib

Vaşinqtonda COP29 çərçivəsində yaşıl maliyyəyə həsr olunmuş konfrans keçirilib

Vaşinqtonda yerləşən Cons Hopkins Universitetində ABŞ-Azərbaycan Ticarət Palatası, Beynəlxalq Ticarət Administrasiyası və ABŞ Ticarət Departamentinin birgə təşkilatçılığı ilə COP 29 çərçivəsində yaşıl maliyyəyə həsr olunmuş konfrans keçirilib.

AZƏRTAC-ın məlumatına görə, tədbirdə Azərbaycanın ABŞ-dakı Səfirliyinin nümayəndələri, ABŞ-ın dövlət və özəl sektorunun və akademik dairələrin təmsilçiləri iştirak edib.

Açılışda çıxış edən ABŞ-Azərbaycan Ticarət Palatasının icraçı direktoru Natiq Baxışov bildirib ki, tədbirin keçirilməsində əsas məqsəd yaşıl maliyyənin cəmiyyətin bütün təbəqələri tərəfindən inkişafı və elmi dairələrin araşdırmalarına əsasən yaşıl maliyyə sahəsində qərarvermə mexanizmlərinin təşviqinin müzakirəsini aparmaqdır. Onun sözlərinə görə, bu müzakirələr Azərbaycanın COP29-a sədrlik etdiyi bir vaxtda həm Azərbaycan, həm də qlobal ictimaiyyət üçün aşağı karbonlu, davamlı gələcək naminə zəruri olan tərəfdaşlıq və strategiyaların qurulmasına kömək edəcək.

Daha sonra çıxış edən ABŞ Ticarət katibinin köməkçisinin müavini Hezar Evans bildirib ki, Ticarət Departamenti və ABŞ-Azərbaycan Ticarət Palatası arasında uzunmüddətli əməkdaşlıq mövcuddur. ABŞ Azərbaycanla 30 ildən artıq davam edən əməkdaşlığı yüksək qiymətləndirir və COP29 bu baxımdan ikitərəfli iqtisadi əməkdaşlıqda müsbət bir mərhələ ola bilər. ABŞ şirkətləri Azərbaycanın inkişafının bütün mərhələlərində vacib rol oynayaraq enerji, nəqliyyat və texnologiyalar sahəsində iqtisadiyyatının inkişafına və şaxələndirilməsinə kömək etmək üçün mühüm texnologiya və xidmətlər təqdim edib.

Ticarət Departamenti rəsmisi yaşıl maliyyə sahəsində ABŞ rəhbərliyinin gördüyü işlərdən danışaraq bildirib ki, ABŞ gələn ay Bakıda keçiriləcək COP 29-u ABŞ sənayesinin yeniliklərini vurğulamaq, dövlət və özəl sektor arasında tərəfdaşlıqları inkişaf etdirmək, qlobal iqlim böhranının həllinə kömək etmək, Azərbaycan da daxil olmaqla, qlobal tərəfdaşlarla ticarət əməkdaşlığını dərinləşdirməyə davam etmək baxınmından fürsət kimi nəzərdən keçirir.

Daha sonra çıxış edən Azərbaycanın ABŞ-dakı səfiri Xəzər İbrahim son zamanlar ABŞ-ın bir neçə ştatında baş verən qasırğaların iqlim dəyişikliyinin real nümunəsi olduğunu bildirib. O, iqlim dəyişikliyindən daha çox kiçik ada dövlətlərinin əziyyət çəkdiyini və bunun üçün beynəlxalq ictimaiyyətin birgə hərəkət etməli olmasının əhəmiyyətinə diqqəti çəkib. Səfir bu günlərdə Bakının uğurlu şəkildə Pre-COP tədbirinə ev sahibliyi etdiyini xatırladıb və Azərbaycanın COP 29 sədrliyinin əsas mövzusunun iqlim maliyyəsi ilə bağlı olduğunu vurğulayıb.

Daha sonra Azərbaycan energetika nazirinin müavini Elnur Soltanov Azərbaycanın COP 29-un əsas mövzusu olan iqlim maliyyəsinin cəlb olunması, Kyoto Protokolu və Paris sazişinin müddəalarının icrası istiqamətində görülən işlərdən danışıb. O, qlobal istiləşmənin iqlim dəyişikliyi və böyük təbiət hadisələrinin əsas səbəbkarı olmasını vurğulayaraq, 1,5 dərəcə Selsi hədəfinə nail olmağın əhəmiyyətini qeyd edib. Onun sözlərinə görə, iqlim fəaliyyətlərinin səmərəli olması üçün qlobal səylər, dövlət və özəl sektorun birgə irəliləməsi vacibdir.

Konfrans panel müzakirələri ilə davam edib. ABŞ Enerji Departamenti, ABŞ İxrac-İdxal Bankı, “Goldman Sachs”, “Boston Consulting Group”, “Carlyle”, “Boeing”, “Honeywell”, “Leidos” və digər təşkilat və şirkətlərin təmsilçiləri, kiçik və orta biznes nümayəndələri və ekspertlər dayanıqlı layihələr üçün maliyyə resurslarının səfərbər edilməsi, dayanıqlılığın artırılması və maliyyə risklərinin azaldılması ilə aşağı karbon iqtisadiyyatına keçid və yaşıl keçiddə elmi əsaslı qərarvermə mövzularına istiqamətində müzakirələrdə iştirak ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

"Böyük Dəbilqə": Azərbaycan cüdoçusu qızıl medal qazanıb

20:58
12 Oktyabr

Azərbaycan Kuboku: “Şahdağ Qusar” və "Şəfa" növbəti mərhələyə yüksəlib

20:56
12 Oktyabr

"Şuşa şəhərinin İslam memarlıq irsi" adlı simpoziumun ikinci gününə yekun vurulub

20:27
12 Oktyabr

Dmitri Savelyev: Rusiya-Azərbaycan əməkdaşlığının bütün səviyyələrdə inkişafına böyük diqqət göstərilir

19:55
12 Oktyabr

Dünya çempionatında medal qazanmış Azərbaycan atıcıları təltif ediliblər

19:52
12 Oktyabr

“Yüksəliş” qalibləri Qarabağ Universitetinin tələbələrinə təlim keçib

19:47
12 Oktyabr

Şahdağın yüksəkliklərinə qar yağıb

19:06
12 Oktyabr

“Qalatasaray”ın iki futbolçusu Türkiyə millisinin heyətindən çıxarılıb

18:57
12 Oktyabr

Daşaltı kəndindəki məscidin tikintisi başa çatmaq üzrədir

18:41
12 Oktyabr

Milli futbol liqaları FIFA-nı məhkəməyə verəcək

18:29
12 Oktyabr

COP29 Azərbaycan Əməliyyat Şirkəti Pre-COP çərçivəsində brifinq keçirilib

18:17
12 Oktyabr

Azərbaycanda quşların qış sayğısının nəticəsinə əsasən 704 min fərd qеydə аlınıb

18:03
12 Oktyabr

Şuşada bu günə qədər 20-yə yaxın abidələrimiz tam olaraq bərpa olunub - Aydın Kərimov

17:52
12 Oktyabr

İrakli Kobaxidze: Gürcüstanda seçkilər azad, şəffaf, demokratik və rəqabətli olacaq  

17:43
12 Oktyabr

Azərbaycanın batut gimnastları beynəlxalq yarışda finala yüksəliblər  

17:32
12 Oktyabr

Santuşun mətbuat konfransının vaxtı bəlli olub

17:21
12 Oktyabr

Yaponiyanın baş naziri İşiba Xirosima və Naqasakiyə atılan atom bombalarını xatırladıb

17:09
12 Oktyabr

İtaliya nəşri Pre-COP29 konfransından yazıb

16:53
12 Oktyabr

Yardımlıda narkokuryer qohumlar saxlanılıblar

16:41
12 Oktyabr

“Euronews”: Bakıda keçiriləcək COP29 iqlim sammitinin gündəliyi zəngindir

16:30
12 Oktyabr

Ayxan Hacızadə: Ermənistanın baş nazirinin iddiaları reallıqların təhrif olunması cəhdidir

16:13
12 Oktyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!