19 May 2023 11:38
410
Səhiyyə
A- A+

ÜST: Dünyada koronavirus səbəbindən ölüm hallarının sayı dörd həftə ərzində 26 faiz azalıb

 

Aprelin 17-dən mayın 14-nə kimi dünyada koronavirus infeksiyasına təxminən 2,6 milyon nəfər yoluxub, 17 mindən çox insan ölüb. Ötən 28 gün ilə müqayisədə ölüm hallarının sayı 26 faiz, yoluxma hallarının sayı isə 14 faiz azalıb. AZƏRTAC xəbər verir ki, bu barədə Ümumdünya Səhiyyə Təşkilatının (ÜST) bülletenində deyilir.

ÜST-nin məlumatına görə dünyada dörd həftə ərzində 2 592 575 yoluxma halı və 17 106 ölüm halı qeydə alınıb. Bu müddət ərzində ən çox - 418 960 yoluxma Koreya Respublikasında aşkar olunub. Daha sonra ABŞ (355 376), Yaponiya (229 877), Hindistan (162 559) və Braziliya (153 829) gəlir. ABŞ-da aprelin 17-dən mayın 14-nə kimi ən çox - 5 333 ölüm halı qeydə alınıb. Ondan sonra Braziliya (1 305), Fransa (925), Rusiya (882) və Hindistan (656) qərarlaşıb.

Bülletendə ÜST-nin altı regionundan ikisində - Cənub-Şərqi Asiya ( 52 faiz) və Qərbi-Sakit Okean regionunda (47 faiz) ötən dörd həftə ilə müqayisədə 28 gün ərzində aşkar edilmiş yoluxma hallarının artması barədə deyilir. Qalan regionlarda bu göstəricinin azalması və ya vəziyyətin sabitləşməsi qeyd olunub. Ölüm hallarının sayı 28 gün ərzində yalnız Cənub-Şərqi Asiyada (153 faiz) artıb.

ÜST hesab edir ki, SARS-CoV-2-yə yoluxma halları barədə təşkilata daxil olmuş məlumatların sayı dünyada yoluxma hallarının sayı ilə bağlı tam mənzərəni “dünyada koronovirusla bağlı testləşdirmənin azalması və məlumatın təqdim edilməsində potensial gecikmələr üzündən” əks etdirmir. Bu mənada ÜST bülletenindəki məlumatlar “tam deyil, onlar testləşdirmədə və dünyada COVID-19-un yayılmasının müşahidə olunmasında dəyişiklikləri nəzərə almaqla interpretasiya olunmalıdır”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video