11 Iyun 2024 15:43
220
CƏMİYYƏT
A- A+

UNICEF: Təxminən 400 milyon uşaq zorakı inzibati metodlara məruz qalıb  

 

Beş yaşından kiçik təxminən 400 milyon uşaq və ya dünyada hər 10 uşaqdan altısı ailədə müntəzəm olaraq zorakılığa məruz qalır.

AZƏRTAC xəbər verir ki, Birləşmiş Millətlər Təşkilatının Uşaq Fondunun (UNICEF) son məlumatlarına əsasən, monitorinqlər 2010-2023-cü illər ərzində yüzə yaxın ölkəni əhatə edib, mütəxəssislər “psixoloji təcavüz” və “cismani cəza” məsələlərinə xüsusi diqqət yetiriblər.

UNICEF hesab edir ki, “psixoloji təcavüz” uşağa qışqırmaq və ya onu təhqir etməkdən ibarətdir. Fiziki cəzaya uşağı silkələmək, şillə vurmaq, ümumiyyətlə, azyaşlıya hər hansı bir zərər verməmək şərti ilə, ona ağrı hiss etdirmək məqsədilə zərbə endirmək daxildir.

Bu sərt intizam üsullarının qurbanı olan 400 milyona yaxın uşaqdan təxminən 330 milyonu fiziki cəzaya məruz qalır.

Getdikcə daha çox ölkə cismani cəzanı qadağan etsə də, 5 yaşından kiçik 500 milyona yaxın uşaq qanunla bu praktikadan qorunmur.

UNICEF hesab edir ki, uşağa baxan şəxslərin dörddəbirindən çoxu azyaşlının yaxşı tərbiyəsi üçün fiziki cəzanın zəruri olduğuna inanır.

UNICEF-in icraçı direktoru Ketrin Rassel bununla bağlı deyib: “Uşaqlar evdə fiziki və ya şifahi zorakılığın qurbanına çevrildikdə və ya yaxınlarının sosial və emosional diqqətindən məhrum olduqda, bu, onların gələcəkdə özünə hörmət etməsinə və inkişafına zərər verə bilər. Valideynin qayğıkeş, oynaq yanaşması uşaqlara sevinc gətirir və onlara özlərini təhlükəsiz hiss etməyə, öyrənməyə, yeni bacarıqlar əldə etməyə və ətrafdakı dünyanı idarə etməyə kömək edir”.

UNICEF-in məlumatına görə, dünyanın 85 ölkəsində 2-4 yaş arasında olan hər beş uşaqdan biri evdə öz baxıcısı ilə oynamır və 5 yaşınadək təxminən hər səkkiz uşaqdan birinin oyuncaqları yoxdur.

Bununla yanaşı, 2-4 yaş arasında olan uşaqların təxminən 40 faizi lazımi səviyyədə stimullaşdırılmır və ya qarşılıqlı əlaqədən məhrumdur, həmçinin hər on azyaşlıdan biri evdə oxumaq, nağıllara qulaq asmaq, saymaq, mahnı ifa etmək, rəsm çəkmək kimi idrak, sosial və emosional inkişaf baxımından kritik əhəmiyyətə malik fəaliyyətlərdən məhrumdur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video