25 May 2023 19:04
206
DÜNYA
A- A+

Ukrayna və Rusiya hərbçilərinin üz-üzə dayandığı məkan 

 

Rusiya-Ukrayna müharibəsində ən qaynar nöqtələrdən biri Xerson şəhəri və regionu olub. 2022-ci il fevralın 25-dən bu region Rusiya silahlı qüvvələrinin nəzarətinə keçib. Noyabrın 11-də isə Xerson şəhəri və vilayətin bir hissəsi işğaldan azad olunub. Lakin hələ də bu bölgə ən qaynar nöqtə hesab edilir. Çünki Xerson vilayətinin böyük bir hissəsi hələ də Rusiya hərbçilərinin nəzarətindədir.

AZƏRTAC-ın xüsusi müxbiri Xerson şəhərinə ezam olunaraq bölgədəki vəziyyətlə tanış olub.

Yol boyunca dağıdılmış evlər, artilleriya səsləri, çox ciddi nəzarət-buraxılış məntəqələri Xerson vilayətində əsl müharibə vəziyyətindən xəbər verir. Dnepr çayının sol cinahında Rusiya silahlı qüvvələrinin hərbçiləri cəmləşib, sağ sahilində isə Ukrayna hərbçiləri genişmiqyaslı əks-hücumlara hazırlaşır.

Reportaj zamanı Xerson şəhərinə bitişik Posad Pokrovskaya kəndində də olduq. Bu kənd işğal zamanı ən çox dağıdılan yaşayış məntəqələrindən biridir. Kəndin böyük hissəsi minalanıb. Orada olan zaman müasir texnikalar vasitəsilə kənddə minatəmizləmə işlərinin şahidi oldum.

Minatəmizləmə işləri ilə məşğul olan ukraynalı hərbçi Anton Semçuk AZƏRTAC-a bildirib ki, ərazi minalarla kütləvi şəkildə çirklənib. “Çoxlu minalar var. Hazırda kəndin ərazisi minalardan təmizlənir. Çalışırıq ki, insanlar normal gəzsinlər, qorxmasınlar”, - deyə hərbçi əlavə edib.

Xerson vilayətinin ərazisi indi də hər gün atəşə məruz qalır. Yenə də dağıntılar, itkilər, insan faciəsi yaşanır. İnsanlar təkrar hücum təhlükəsindən sığortalanmayıb. Ukrayna silahlı qüvvələri isə Dnepr çayının sol cinahını Rusiya hərbçilərindən təmizləmək üçün müvafiq tədbirləri gücləndirir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video