34 il əvvəl Topxana harayı ilə başlanan xalq hərəkatı iki müharibədən keçdikdən sonra bu gün Laçın yolunda yeni vüsətlə davam edir
Deyir ayının yüz oyunu var, o da bir armudun başında.
(Əlbəttə, bütün növ ayılar nəzərdə tutulur).
Əsrlərdir ki, Qarabağı nifaq almasına çeviriblər!
Buraya köçürülən hayların, alət millət sayılan ermənilərin əli ilə!
Əsrlərdir ki, Qarabağda insanların dinc şəraitdə rahat yaşamalarına imkan vermirlər!
Çünki Qarabağı, üstəlik, Şərqi Zəngəzuru zorla Azərbaycandan alıb Ermənistana vermək istəyirlər.
Hətta bizim ərazilər hesabına Ermənistan dövləti də yaratdılar.
Sonrakı mərhələdə yenə Azərbaycandan hissə-hissə torpaq qopartmaqla Ermənistanı böyütməyə can atdılar.
Beyni "Böyük Ermənistan" mifologiyası ilə zəhərlənmiş ermənilər bununla kifayətlənmirlər, bütün qonşularına torpaq iddiaları irəli sürürlər.
Necə deyərlər, iştah diş altında olur!
Amma 2020-ci ildə 44 günlük Zəfər müharibəsində Müzəffər Ali Baş Komandan İlham Əliyev ermənilərin XX əsrdə rəzil və şərəfsiz yollarla qazandıqlarını burunlarından tökdü!
Əgər RSK (Rusiya sülhməramlı kontingenti) araya girməsəydi, indi vəziyyət tam başqa cür olardı.
Bəli, ermənilər aşkar və "gizli" dostlarının köməyi ilə Qarabağı ələ keçirərək düz otuz il çapıb taladılar!
O qədər qudurdular ki, nə BMT Təhlükəsizlik Şurasının 4 qətnaməsinə məhəl qoydular, nə ATƏT-in Minsk qrupunu adam yerinə saydılar, nə də sülh yolu ilə bircə qarış torpaq qaytardılar!
Hətta cızıqlarından o qədər çıxdılar ki, "Qarabağ Ermənistandır və nöqtə" deyərək məsələnin bitdiyinə işarə vurdular!
"Dəmir yumruq" başlarına dəyənə qədər Allaha bəndəlik etmədilər!
***
Rusiya Prezidenti V.Putinin təşəbbüsü və zəmanəti ilə 10 noyabr 2020-ci ildə Ermənistanın kapitulyasiya aktı sayılan üçtərəfli Bəyanat imzalandı.
Sonralar daha üç dəfə üçtərəfli görüş keçirilərək bəyanatın bəndlərinin icrasına və sülh müqaviləsinin hazırlanaraq imzalanmasına sadiqlik təsdiq olundu.
Amma hələ də sülh sazişi imzalanmayıb!
Ermənistan yenə nala-mıxa vurur!
Gah KTMT-dən kömək tələb edir, gah "böyük bacısı" Fransanın yanına qaçır, gah da ABŞ-dən dəstək dilənir.
Görünən isə odur ki, Ermənistana ümid verirlər...
Təkcə ümid vermirlər, həm də silahlandırırlar və yenidən xam xəyallara düşməsinə şərait yaratmaq istəyirlər.
Hazırda Qarabağda müvəqqəti yerləşən RSK xalqları bir-birinə yaxınlaşdırmaqla deyil, sülhməkrliliklə məşğul olur:
* Hələ də Qarabağdakı qanunsuz erməni silahlı qüvvələri çıxarılmayıb!
* Hələ də RSK-nin arxasından Azərbaycan ərazilərinə güllə atılır və hər gün atəşkəs pozulur!
* Hələ də Laçın dəhlizindən Azərbaycan ərazisinə qanunsuz silah-sursat, hərbi texnika daşınır!
* Hələ də Fransadan, Rusiyadan kim istəsə, sərbəst şəkildə Xankəndiyə gəlib pozuculuq işləri aparır!
* Hələ də İran casusları və hərbçiləri bu yolla Azərbaycana gəlib, gizli işlər görürlər!
Üstəlik, Qarabağdakı qızıl, mis və molibden yataqlarımız talan edilir və çıxarılan məhsullar Laçın yolu ilə asudə şəkildə Ermənistana daşınır...
Sülhməkrlilərin havadarlığı ilə Xankəndidə köhnə qazan qaynadılır...
Ötən əsrin 90-cı illərinin ssenarisi yenidən işə salınıb...
***
Biz bu yolu bir dəfə keçmişik...
Onun əzab, əziyyət və faciələrini kifayət qədər çəkmişik!
M.Qorbaçovun razılığı ilə 1988-ci ildən başlanan "miatsum" hərəkatına Moskva rəhbərlik edirdi.
Yerli ermənilər bölgənin "iqtisadi cəhətdən zəif inkişafından" narazılıqlarını bildirirdilər.
Sonra mərkəz işi "asanlaşdırmaq" üçün "Xüsusi İdarəetmə Komitəsi" yaradaraq Qarabağı Azərbaycanın tabeliyindən çıxardı.
Moskvadan quruma rəhbər kimi göndərilən A.Volski Qarabağın Azərbaycandan qoparılması üçün mümkün olan hər şeyi edirdi.
"Moskvanın adamı" sayıldığından heç kəs ona söz deyə bilmirdi.
Bütün günü donuz əti yeyib, tut arağı vurmaqla erməni maraqlarını təmin edirdi.
***
366-cı sovet-rus polku Xocalı soyqırımını törədərək işğalın dəstəkçisi oldu.
İndi isə Moskva Xankəndiyə Vardanyanı göndərib!
Nə Ermənistan, nə də Azərbaycan vətəndaşlığı olmayan rusiyalı erməni milyarder Xankəndiyə gəlib!
Nəyə?
Pul qazanmağa?
Xankəndidə pul var ki, onu da qazana?
Bəlkə pul xərcləməyə gəlib?
Məsələn, elə sülhməkrlilərin ehtiyaclarının ödənilməsinə...
Çünki RSK elə günə düşüb ki, onun əsgərləri erməni sahibkarın taxtasını maşından boşaltmaqla qəpik-quruş qazanırlar...
Amma Vardanyan "dövlət naziri" olub Azərbaycan əleyhinə açıqlamalar verəndən, müəyyən separatçı, antisülh addımlar atandan sonra məramı tam dəqiqləşdi.
Vardanyan Volskinin işini davam etdirməyə gəlib!
Doğrudur, onun sərəncamında 366-cı alay yoxdur!
Amma görünən odur ki, RSK rusiyalı erməni milyarderin dediyini edir.
Lap sonuncu hadisələrdə olduğu kimi!
***
Ekologiyanın pozulması, faydalı qazıntı yataqlarının talan edilib daşınması ilə bağlı faktlar aşkarlandıqdan sonra mütəxəssislər, həmçinin bir qrup Azərbaycan jurnalisti və QHT təmsilçiləri Xankəndiyə gedərək general Volkovla görüşdülər və həmin mədənlərə baxış keçirmək üçün növbəti günə razılaşdılar.
Lakin Azərbaycan hakimiyyətinin nümayəndələri mədənlərə buraxılmadılar!
Azərbaycan jurnalistlərinə peşə vəzifələrinin icrasına imkan vermədilər!
Azərbaycan QHT təmsilçilərinin monitorinqinə şərait yaratmadılar!
Səbəb...
Yerli "sakinlər" mitinq keçirərək mədənlərə girişi bağlamışdılar.
RSK isə onları kənarlaşdırıb, Azərbaycanın dövlət nümayəndələrinin və vətəndaş cəmiyyəti üzvlərinin işləməsinə şərait yarada "bilmirdi"!
İnandınız?
Azərbaycana sülh yaratmağa, qarşıdurmanı aradan qaldırmağa, ermənilərlə azərbaycanlıları barışdırmağa gələn RSK "dinc" əhalinin öhdəsindən "gələ bilmirdi"!
Çünki "mitinqçilərə" Vardanyan rəhbərlik edirdi.
Çünki "müdafiəçiləri" mülki paltar geyinmiş qanunsuz erməni silahlı qüvvələrinin nümayəndələri ruhlandırırdı!
Çünki Volkov onların qarşısında gözükölgəli idi və xətirlərinə dəymək istəmirdi!
Beləliklə, general Volkov verdiyi sözün arxasından qaçdı!
Beləliklə, RSK Azərbaycandan gələn rəsmi
və qeyri-rəsmi nümayəndələrin öz torpaqlarında işləməsinə şərait yaratmadı!
Sonrası isə sonrakı gün davam etdi!
***
General Volkov azərbaycanlı mütəxəssislərin, jurnalist və QHT təmsilçilərinin üzünə çıxa bilmədi!
Ermənilər qarşısındakı gözükölgəliyi onu azərbaycanlılar qarşısında diligödək etmişdi!
Bizimkilər ha çağırsalar da, ha səsləsələr də faydası olmadı!
General gizləndiyi yerdən çıxmadı!
***
Belədə azərbaycanlı sülhsevərlər rus sülhməkrlilərinə dərs keçməyə başladılar!
General Volkovla görüş yerini tərk etmədilər!
Dinc nümayiş yolu ilə istək və tələblərini çatdırmaqda, monitorinq aparmaqda israrlı olduqlarını təkidlə bildirdilər.
Nəticədə Laçın-Xankəndi yolu bağlandı.
***
Düz 30 ildən sonra ilk dəfə idi ki, bu yola Azərbaycan vətəndaşları sərbəst şəkildə ayaq basdılar.
Məsələnin uzandığını görüb özlərinə çadır qurdular!
30 ildən sonra bu yolun üzərində Azərbaycan bayrağı dalğalandı!
Azərbaycanın oğul və qızları bu yerlərin həqiqi sahibləri olduqlarını əyani şəkildə nümayiş etdirdilər!
***
Azərbaycanda kifayət qədər vətənpər
vər jurnalist var!
Azərbaycanda kifayət qədər vətənpərvər QHT təmsilçisi var!
Azərbaycanda kifayət qədər əliavtomatlıdan qorxmayaraq, dinc yolla mübarizə aparmaqla düşmənə qalib gəlməyi bacaran mərd və igid oğullar, qadınlar var!
Onlar gecə sübhədək qardan, şaxtadan qorxmayaraq durduqları yeri tərk etmədilər!
Sonadək, istəklərinə çatanadək mübarizələrini dinc vasitələrlə davam etdirəcəklərini söyləyirlər!
Eşq olsun xalqın vətənpərvər övladlarına!
***
34 il əvvəl Topxana harayı ilə başlanan xalq hərəkatı iki müharibədən keçdikdən sonra bu gün Laçın yolunda yeni vüsətlə davam edir!
O dövrdə başlanan xalq hərəkatı məqsədinə çata bilmədi!
Nə Topxana meşəsini qırılmaqdan qorudu, nə də Qarabağı əldə saxlaya bildi.
Üstəlik, I Qarabağ müharibəsində də uduzduq!
Xalqı qınamaq da mümkün deyil!
ÇÜNKİ:
* O dövrdə Azərbaycan Moskvadan asılı idi.
* Azərbaycana "muştuluğumu verin, ermənilər geri qayıtdı" deyərək sevinən Ə.Vəzirov başçılıq edirdi!
* Azərbaycana "SSRİ-nin saxlanılmasına" xidmət edən referendum keçirən A.Mütəllibov prezidentlik edirdi!
* Xalqın həqiqi rəhbəri, inandığı və güvəndiyi lideri yox idi.
* Ordu yaradılmamışdı, silah-sursatsız qalmışdıq.
* Bizə rəhbərlik edənlər siyasətdən baş çıxarmayanlar, şəxsi maraqlarını güdənlər idi.
* Əsl dostumuz yanımızda deyildi, "din qardaşımız" isə aşkar-gizli formada düşmənə kömək edirdi.
Odur ki, xalq 20 min övladını şəhid versə də, torpağını qoruya bilmədi.
İndi isə vəziyyət bambaşqadır!
Azərbaycan müstəqil, güclü dövlətdir!
Azərbaycana 44 günlük Zəfər müharibəsində möhtəşəm qələbə qazandıran, 28 illik işğaldan sonra torpaqları azad edən Müzəffər Ali Baş Komandan İlham Əliyev rəhbərlik edir!
Demək, azərbaycanlı sülhsevərlər bu dəfə də rus və erməni sülhməkrlilərinə əsl dərs verəcəklər!
Bəxtiyar SADIQOV
