25 May 2023 15:43
397
DÜNYA
A- A+

Sudanda 1,3 milyondan çox insan didərgin düşüb

 

BMT-nin Qaçqınlar üzrə Ali Komissarlığı Sudanda davam edən qarşıdurmalarda 1,3 milyondan çox insanın didərgin düşdüyünü açıqlayıb.
“Azərbaycan” qəzeti “The Washington Post”a istinadən xəbər verir ki, təxminən 320 min sudanlı isə qonşu ölkələrə - Çad, Efiopiya, Cənubi Sudan və Misirə sığınıb.
Məlumata əsasən, Sudandakı döyüşlərdən qaça bilməyənlər ümidsizdirlər və özlərini ciddi təhlükədə hesab edirlər. “The Washington Post”a danışan Sudan sakini Mahmud deyir ki, o artıq bir aydan çoxdur  Xartumdakı mənzilindən yalnız su və çörək almaq üçün çıxır. Onun sözlərinə görə, şəhərdə qarşıdurma günü-gündən alovlanır.
Qeyd edək ki, Sudanda insan itkisi daha çox paytaxt Xartum və bəzi böyük əyalətlərdə qeydə alınıb. General Əbdül Fəttah Əl-Burhanın komandanlığı altında Sudan ordusu qüvvələri ilə Həmidəti kimi tanınan Məhəmməd Həmdan Daqlonun komandanlığı altında Çevik Reaksiya Qüvvələri arasında silahlı qarşıdurma aprelin 15-dən etibarən davam edir.

Nəzrin QARDAŞXANOVA,
“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video