11 Dekabr 2023 18:45
595
Mədəniyyət
A- A+

Ssenarinin inkişaf proqramına yönləndirilmiş film layihələrinin ilkin dinləmələri keçirilib  

 

Dekabrın 11-də Nizami Kino Mərkəzində Mədəniyyət Nazirliyinin dəstəyi ilə Azərbaycan Respublikası Kino Agentliyinin (ARKA) ssenari laboratoriyası nəzdində yaradılmış ssenarinin inkişaf proqramı çərçivəsində film layihələri müsabiqəsinin inkişaf proqramına yönləndirilmiş ssenarilərin ilkin dinləmələri keçirilib.

Nazirlikdən AZƏRTAC-a bildirilib ki, dinləmələr Berlin Film Festivalının qalibi, tanınmış türkiyəli kinorejissor və ssenarist Semih Kaplanoğlu tərəfindən aparılıb.

Dinləmələrdən əvvəl ARKA-nın baş direktoru vəzifəsini icra edən Orxan Fikrətoğlu, müsabiqənin bədii şurasının üzvü, yazıçı-dramaturq İlqar Fəhmi və Semih Kaplanoğlu iştirakçılarla görüşüb, mətbuat nümayəndələrinə dinləmələrin gedişi ilə bağlı məlumat veriblər.

Orxan Fikrətoğlu diqqətə çatdırıb ki, inkişaf proqramına göndərilmiş layihələr üzrə bu gün ARKA-nın ssenari laboratoriyasında ilk iş günüdür: “Düşünürük ki, yeni istehsalat sistemində yaranacaq yeni Azərbaycan kinosunun ssenari modeli olaraq ilkin rüşeymlərini məhz bu laboratoriya cücərdəcək. Semih bəy dünya viziual mədəniyyəti dilində danışmaq bacarığını sizlərlə bölüşəcək. Ssenari sxemləri, milli məzmunun müasir kino dilində anladılması prosesləri ilə bağlı təcrübələrini bölüşəcək. O, hər bir ssenaristlə ayrı-ayrılıqda ssenariləri müzakirə edəcək”.

İlqar Fəhmi layihələrin təkmilləşdirilməsi, ssenari yazılışının qaydaları, prodüser sənətinin incəliklərinin öyrədilməsinin vacibliyini qeyd edib.

Semih Kaplanoğlu layihə və sinopsislərin təqdiminin incəlikləri, müasir dünya kinosunda tələblər və ssenari üslubu ilə bağlı fikirlərini bölüşüb. Bildirib ki, bu gün dünyada ən çox maliyyə ssenariyə ayrılır: “Ssenari ticari materialdır və bu, memarın layihəsinə bərabərdir. Burada hər hansı bir xətanın olması mümkün deyil. Həyatın ssenariyə qarışması mütləqdir".

Çıxışlardan sonra film layihələri müsabiqəsinin inkişaf proqramına yönləndirilmiş ssenarilərin ilkin dinləməsi keçirilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video