02 Mart 2024 22:47
400
SİYASƏT
A- A+

Mövlud Çavuşoğlu: "Azərbaycanın Türk Dövlətləri Təşkilatındakı öncüllüyü bizi sevindirir"


Azərbaycanın dövlət başçısı cənab İlham Əliyevin yenidən Prezident seçildikdən sonra andiçmə mərasimində türk dünyasına, Türk Dövlətləri Təşkilatına (TDT) xüsusi önəm verməsi ilə bağlı çıxışından Türkiyədə mən də daxil olmaqla, hər kəs çox məmnun oldu. Bu fikirləri "Report"un yerli bürosuna III Antalya Diplomatik Forumunda (ADF) iştirak edən Türkiyənin keçmiş xarici işlər naziri, ölkənin NATO-dakı nümayəndə heyətinin rəhbəri, millət vəkili Mövlud Çavuşoğlu deyib.
ADF-də ilk dəfə TDT mövzusunda panel keçirildiyini vurğulayan Çavuşoğlu paneldə təşkilatın fəaliyyətinin geniş müzakirə edildiyini də bildirib: "Türk Dövlətləri Təşkilatı olaraq dünyadakı digər təşkilatlarla da əməkdaşlığımızı necə inkişaf etdirmək məsələlərini paneldə müzakirə etdik. Azərbaycanın xarici işlər naziri, qardaşım Ceyhun Bayramov da ölkəsinin TDT-yə önəm verdiyini anlatdı. Azərbaycanın bu təşkilatdakı öncüllüyü bizi sevindirir".
M.Cavuşoğlu Şimali Kipr Türk Respublikasının Prezidenti Ersin Tatarın bu il iyulunda Şuşada keçiriləcək qeyri-rəsmi zirvəyə İlham Əliyev tərəfindən dəvət olunmasını da alqışlayıb: "Şimali Kipr Türk Respublikası TDT-nin müşahidəçi üzvü oduğu üçün Şuşaya dəvət edilməsi əslində çox təbiidir. Xüsusilə dünyanın bəzi ölkələrinin qardaş ölkə Şimali Kiprə təzyiqlər etdiyini bilirik. Belə bir şəraitdə İlham Əliyevə Şimali Kipr Türk Respublikasına obyektiv baxışına görə təşəkkür edirik".
M.Çavuşoğlu Azərbaycanın ADF-yə xüsusi dəstək göstərdiyini də vurğulayıb və buna görə təşəkkürünü bildirib. 

“Azərbaycan”
 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video